Rósa Björk Brynjófsdóttir þingmaður Vinstri grænna segist vera búin að vera í hálfgerðu áfalli eftir að ummæli þingmanna Miðflokksins og Flokks fólksins voru gerð opinber. Frá þessu greinir hún á facebook-síðu sinni í dag. Hún segir hræsnina ótrúlega botnlausa.
„Það er þungt í ansi mörgum þingmönnum í dag og satt að segja er ég sjálf búin að vera í hálfgerðu áfalli,“ segir hún.
„Þegar kynjajafnrétti er ekki náð, þá finnst karlkyns þingmönnum í lagi að tala með ótrúlega niðrandi hætti um konur í opun almannarými. Kalla þær húrrandi klikkaðar kuntur, apaketti, ekki nógu hot, fokking trylltar og grenji sig inn á þing, geti ekkert og kunni ekkert...allt á einni kvöldstund. Sömu karlkyns þingmenn og tóku þátt í #metoo viðburði Alþingis fyrir ári síðan en hafa grenilega ekkert lært, sömu þingmenn og voru forsprakkar sem utanríkisráðherrar að standa fyrir BarberShop viðburðum á erlendum vettvangi til að fá karla til að taka jafnan þátt í kynjajafnréttisbaráttunni,“ bætir hún við.
Rósa Björk bendir á að meðan þetta sé staðan þá þurfi að halda áfram statt og stöðugt baráttunni fyrir kynjajafnrétti.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.















































Athugasemdir