Almennur borgari vann hetjudáð við að stöðva skotmenn

Hryðju­verka­menn skutu á mann­fjölda sem fagn­aði jóla­há­tíð Gyðinga á Bondi Beach í Sydney.

Eftir skotárásina
Eftir skotárás­ina Kona heldur á barni sínu í teppi eftir skotárás á Bondi Beach í Sydney í dag. Mynd: AFP

Myndband sýnir hvernig almennur borg­ari náði að yfir­buga skot­mann við fjöldamorð á Bondi-strönd­inni í Sydney í Ástralíu í dag. Árásin hefur verið skil­greind sem hryðju­verk sem beind­ist gegn Gyðingum.

Minnst 11 eru látin. Annar tveggja skot­mann­anna lést í átökum við lög­reglu og hinn er í haldi. Fólkið sem hryðju­verka­menn­irnir skutu var að fagna Hanukkah, jóla­há­tíð Gyðinga.

Neyð­ar­við­bragðs­að­ilar fluttu 29 aðra á ýmsa spít­ala frá strönd­inni, sem er einn helsti ferða­manna­staður stærstu borgar Ástralíu.

Anthony Albanese, for­sæt­is­ráð­herra Ástralíu, sagði í dag að skotárásin á Bondi Beach væri „óskilj­an­leg“ og hrós­aði „hetj­unum“ sem stukku til og hjálp­uðu.

„Við höfum séð Ástrali hlaupa í átt að hætt­unni í dag til að hjálpa öðrum. Þessir Ástralir eru hetjur og hug­rekki þeirra hefur bjargað manns­lífum.“

Chris Minns, for­sæt­is­ráð­herra Nýja-Suður-Wales, heiðrar sömu­leiðis mann­inn sem var mynd­aður í glímu við einn árás­armann­anna, þar sem hann náði byssu hans og neyddi hann til að hörfa.

„Þessi maður er sönn hetja og ég efast ekki um að margir, margir eru á lífi í kvöld vegna hug­rekkis hans.“

Sprengja í bíl

Ástr­alska lög­reglan sagði á blaða­manna­fundi fyrir skemmstu að mann­skæða skotárásin á Bondi Beach í Sydney væri „hryðju­verk“.

„Vegna aðstæðna í tengslum við atvikið í kvöld klukkan 21:36 lýsti ég þetta yfir sem hryðju­verk,“ sagði Mal Lanyon, lög­reglu­stjóri í Nýja-Suður-Wales, á fund­inum.

Svo virð­ist sem árás­ar­menn­irnir hafi haft meira í hyggju. „Við höfum fundið heima­til­búna sprengju í bíl sem er tengdur látna árás­armann­inum,“ sagði lög­reglu­stjór­inn.

Árás á Gyðinga er árás á alla

„Þetta er mark­viss árás á ástr­alska gyð­inga á fyrsta degi hanúkka, sem ætti að vera gleði­dagur, hátíð trú­ar­innar – ill­virki, gyð­inga­hatur, hryðju­verk sem hefur hitt þjóð okkar í hjarta­stað,“ sagði Anthony Albanese for­sæt­is­ráð­herra í sjón­varps­ávarpi.

„Árás á ástr­alska gyð­inga er árás á alla Ástrala.“

Skotárásin átti sér stað á árlegum við­burði sem kall­ast „Hanúkka við sjó­inn“ síð­degis á Bondi-strönd.

Isaac Herzog, for­seti Ísraels, for­dæmdi skotárás­ina sem „grimmi­lega árás á gyð­inga“ og hvatti áströlsk yfir­völd til að herða bar­átt­una gegn gyð­inga­hatri.

Mann­fjöldi flúði í ofboði frá strönd­inni í aust­ur­hluta Sydney, sem laðar að sér fjölda brim­bretta­fólks, sund­gesta og ferða­manna, sér­stak­lega um helgar.

„Við heyrðum skotin. Þetta var átak­an­legt, það var eins og 10 mín­útur af bara bang, bang, bang. Þetta virt­ist vera öfl­ugt vopn,“ sagði Camilo Diaz, 25 ára nemi frá Chile, við AFP á staðnum.

Neyð­ar­þjón­usta brást fyrst við til­kynn­ingum um skot­hríð klukkan 18:47 (07:47 að íslenskum tíma), að sögn lög­regl­unnar í Nýja-Suður-Wales.

„Blóð úti um allt“

Eitt vitni, sem ekki vildi láta nafns síns getið, sagð­ist per­sónu­lega hafa séð sex látna eða særða liggja á strönd­inni.

Gras­brekkan með útsýni yfir Bondi-strönd var yfir­full af munum sem fólk hafði skilið eftir í ofboði, þar á meðal yfir­gef­inni barna­kerru, að sögn blaða­manns AFP á staðnum.

Sjúkra­flutn­inga­menn sinntu mörgum sem lágu á gras­inu við strönd­ina, eins og sést á myndum sem rík­is­út­varpið ABC birti.

Vopn sem virt­ist vera hagla­byssa lá við tré við strönd­ina.

Breskur ferða­maður sagði AFP að hann hefði séð „tvo svart­klædda skot­menn“ eftir að skot­hríðin hófst.

„Það var skotárás, tveir svart­klæddir skot­menn með hálf­sjálf­virka riffla,“ sagði Timothy Brant-Coles við AFP og sagð­ist hafa séð marga sem höfðu verið skotnir og særðir.

Annað vitni, 30 ára íbúi að nafni Harry Wilson, sagði við Sydney Morning Herald að hann hefði séð „að minnsta kosti 10 manns á jörð­inni og blóð út um allt“.

Sveit­ar­stjórn Waverley, sem fer með mál­efni Bondi-strandar, lýsti  „djúp­stæðri hryggð“ vegna árás­ar­innar.

„Hugur okkar og bænir eru hjá öllum þeim sem hafa orðið fyrir áhrifum af þessu hræði­lega ill­virki, sem átti sér stað á meðan hanúkka-hátíð­ar­höld stóðu yfir,“ sagði tals­maður sveit­ar­stjórn­ar­innar.

Kjósa
1
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið

3
Viðtal

Ef við kveðjum tungu­málið, þá týnum við vídd draumanna

Í sögu íslenskra bók­mennta í þús­und ár er lögð áhersla á raddir inn­flytj­enda, þá sem nú. Höf­und­ur­inn, Halldór Guð­munds­son, öðl­að­ist tveggja heima sýn ungur í Þýska­landi. Að læra lat­ínu frá 10 ára aldri lam­inn af kenn­ara sem skildi hann ekki, í sárum eftir heims­styrj­öld. Seinna spurði hann sig: „Hver má tala?" Í dag segir hann: „Íslend­inga­sögur dags­ins í dag eru að hluta til sagðar af fólki sem hingað hefur flutt."

Mest lesið

Mest lesið í vikunni

5
Innlent

Hætta á að lánin hækki þó íbúða­verð lækki

Már Wolfgang Mixa hag­fræði­pró­fessor segir að stór hluti eigin fjár íbúða­eig­enda gæti þurrkast út á kom­andi mán­uðum. Verð­tryggðar fast­eigna­skuldir hækki í verð­bólgu­tíð sam­hliða því að íbúða­verð gæti lækkað. Hann leggur til að verð­tryggð hús­næð­is­lán fylgi íbúða­verði en ekki vísi­tölu neyslu­verðs. Þá myndu bank­arnir bera hluta áhætt­unnar.

Mest lesið í mánuðinum

3
Viðtal

Íslenskur læknir varpar nýju ljósi á lífs­hættu­legan með­göngu­sjúk­dóm

Nítján ára gömul lá Silja Rut Ragn­ars­dóttir nær dauða en lífi á skurð­ar­borði Land­spít­al­ans eftir alvar­legt til­felli með­göngu­eitr­unar. Íslenskur vís­inda­maður í Banda­ríkj­unum, Jóhann Elí Guð­jóns­son húð­læknir, leiðir braut­ryðj­andi rann­sóknir sem varpa nýju ljósi á hvers vegna sjúk­dóm­ur­inn kemur fram. Hann telur mögu­legt að þróa lyf við sjúk­dómnum sem bjargað gæti manns­lífum.

Mest lesið í mánuðinum

Mest lesið undanfarið ár