Málflutningur í Landsréttarmálinu svokallaða fyrir yfirdeild Mannréttindadómstóls Evrópu mun fara fram klukkan 9:15 þann 5. febrúar á næsta ári í Strassborg. Lögmenn málsaðila hafa til 4. nóvember næstkomandi til að skila skriflegum greinargerðum til dómsins. Alls munu 17 dómarar sitja í yfirdeildinni við meðferð málsins. Á meðal þeirra er Róbert Spanó, varaforseti Mannréttindadómstólsins. Hann var einnig á meðal þeirra þeirra dómara sem felldu áfellisdóm í málinu 12. mars síðastliðinn.
Greint var frá því 9. september að yfirdeildin hefði ákveðið að taka Landsréttarmálið fyrir. Dómstóllinn felldi upphaflegan dóm sinn í vor þar sem bæði Sigríður Á. Andersen, fyrrverandi dómsmálaráðherra, og Alþingi á sig áfellisdóm fyrir það hvernig haldið var á skipan 15 dómara við Landsrétt í byrjun júní 2017.
Sigríður fyrir að hafa brotið stjórnsýslulög með því að breyta listanum um tilnefnda dómara frá þeim lista sem hæfisnefnd hafði skilað af sér, og fært fjóra dómara af þeim lista en sett aðra fjóra inn á hann án þess að rannsaka og rökstyðja þá ákvörðun með nægjanlegum hætti. Alþingi fyrir að hafa kosið um skipan dómaranna allra í einu, í stað þess að kjósa um hvern fyrir sig. Sigríður sagði af sér embætti daginn eftir dóminn og óvissa ríkir um starfsemi millidómstigsins vegna dómsins.

Íslenska ríkið ákvað í apríl að áfrýja þeirri niðurstöðu og beina því til yfirdeildar dómsins að taka málið aftur fyrir.
Dómur MDE, sem var í máli manns sem heitir Guðmundur Andri Ástráðsson, var á þann veg að það væri brot á mannréttindum þeirra sem koma fyrir Landsrétt að fjórir ólöglega skipaðir dómarar dæmi í málum þeirra hefur mikilli spennu í íslensku samfélagi. Dómararnir fjórir geta ekki dæmt og um tíma starfaði Landsréttur ekki.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.














































Athugasemdir