Vildi afgirt æfingasvæði Fylkis í Elliðaárdal en styður nú friðun

Björn Gíslason, borg­ar­full­trúi Sjálf­stæð­is­flokks, vill stöðva upp­bygg­ingu meiri­hlut­ans við Stekkj­ar­bakka. Sem stjórn­ar­maður í Fylki vildi hann afgirta aðstöðu fyrir íþrótta­fé­lagið í Elliða­ár­dal. „Pólitík er skrýtin,“ segir Gísli Marteinn Bald­urs­son.

Björn Gíslason, borg­ar­full­trúi Sjálf­stæð­is­flokks, mót­mælir nýju deiliskipu­lagi í Stekkj­ar­bakka við Elliða­ár­dal og vill láta friða dal­inn. Árið 2004 barð­ist hann fyrir því sem stjórn­ar­maður Íþrótta­fé­lags­ins Fylkis að afgirt æfinga­svæði yrði reist fyrir félagið í dalnum.

Á lóð­inni er fyr­ir­hugað að byggja þjón­ustu­í­búðir, hús fyrir Garð­yrkju­fé­lag Íslands og loks gróð­ur­hvelf­ingu. Í hvelf­ing­unni, sem ber nafnið Aldin Biodome, er áformað að rækta Mið­jarð­ar­hafs- og mið­baugs­gróður.

Deiliskipu­lag Stekkj­ar­bakka var sam­þykkt í borg­ar­ráði fimmtu­dag­inn 4. júlí með and­stöðu borg­ar­full­trúa Sjálf­stæð­is­flokks. Þá hafa Holl­vina­sam­tök Elliða­ár­dals einnig gagn­rýnt fram­kvæmd­ina og vilja að henni sé hnekkt. Dagur B. Egg­erts­son borg­ar­stjóri hefur sagt upp­bygg­ing­una skyn­sam­lega og bent á að svæðið sé fyrir utan afmörkun Elliða­ár­dals í aðal­skipu­lagi og sé mikið raskað.

Í við­tali í þætt­inum Sprengisandi á Bylgj­unni sagð­ist Björn vilja kæra deiliskipu­lagið. „Þetta verður eins og kjarn­orku­ver í miðjum Elliða­ár­dalnum, umhverf­is­spjöllin verða svo mikil, þetta mun gnæfa yfir með mik­illi ljós­mengun og þetta nær yfir vatna­svið Elliða­ánna og mér finnst það alveg for­kast­an­legt,“ sagði Björn í við­tal­inu.

Sig­ur­borg Ósk Har­alds­dóttir, borg­ar­full­trúi Pírata, var einnig til við­tals í þætt­inum. „Mér finnst þessi sam­an­burður við kjarn­orku­ver algjör­lega gal­inn, þetta er ekki umhverf­isslys, það eru svo skýrar kvaðir í þessu deiliskipu­lagi um allan frá­gang,“ sagði Sig­ur­borg. „Það mun vera mun minni ljós­mengun af þessu en af þeim ljósastaurum sem eru þarna nú þegar.“

Stekkj­ar­bakkiUpp­bygg­ingin yrði á reitnum vinstra megin við göt­una Stekkj­ar­bakka, sem er fyrir miðri mynd.

Var áður fylgjandi mannvirkjum í Elliðaárdal

Gísli Marteinn Bald­urs­son, fyrr­ver­andi borg­ar­full­trúi Sjálf­stæð­is­flokks, gerði stefnu­breyt­ingu Björns að umfjöll­un­ar­efni á Twitter á sunnu­dag. „Pólitík er skrýtin,“ skrif­aði Gísli Marteinn. „Þegar ég var í borg­ar­málum tók­umst við Björn á um verndun Elliða­ár­dals. Þá vildi hann fá æfinga­svæði fyrir Fylki (þar sem hann var í stjórn) oní miðjan dal­inn, sem ég vildi ekki. Nú vill hann friða dal­inn og alls engin mann­virki!“

Í frétt í Morg­un­blað­inu frá jan­úar 2004 var rætt við Björn um áhuga Fylkis á að stækka athafna­svæði sitt í Elliða­ár­dal og við Rauðhóla. „Við höfum einnig sett fram hug­myndir að nýjum mann­virkjum í Blá­steins­hólma í Elliða­ár­dal. Það teng­ist meira svæð­inu við Fylk­is­veg og yrði hrein við­bót við það svæði,“ var haft eftir Birni.

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Mest lesið

4
Viðtal

Ef við kveðjum tungu­málið, þá týnum við vídd draumanna

Í sögu íslenskra bók­mennta í þús­und ár er lögð áhersla á raddir inn­flytj­enda, þá sem nú. Höf­und­ur­inn, Halldór Guð­munds­son, öðl­að­ist tveggja heima sýn ungur í Þýska­landi. Að læra lat­ínu frá 10 ára aldri lam­inn af kenn­ara sem skildi hann ekki, í sárum eftir heims­styrj­öld. Seinna spurði hann sig: „Hver má tala?" Í dag segir hann: „Íslend­inga­sögur dags­ins í dag eru að hluta til sagðar af fólki sem hingað hefur flutt."

Mest lesið

Mest lesið í vikunni

5
Innlent

Hætta á að lánin hækki þó íbúða­verð lækki

Már Wolfgang Mixa hag­fræði­pró­fessor segir að stór hluti eigin fjár íbúða­eig­enda gæti þurrkast út á kom­andi mán­uðum. Verð­tryggðar fast­eigna­skuldir hækki í verð­bólgu­tíð sam­hliða því að íbúða­verð gæti lækkað. Hann leggur til að verð­tryggð hús­næð­is­lán fylgi íbúða­verði en ekki vísi­tölu neyslu­verðs. Þá myndu bank­arnir bera hluta áhætt­unnar.

Mest lesið í mánuðinum

3
Viðtal

Íslenskur læknir varpar nýju ljósi á lífs­hættu­legan með­göngu­sjúk­dóm

Nítján ára gömul lá Silja Rut Ragn­ars­dóttir nær dauða en lífi á skurð­ar­borði Land­spít­al­ans eftir alvar­legt til­felli með­göngu­eitr­unar. Íslenskur vís­inda­maður í Banda­ríkj­unum, Jóhann Elí Guð­jóns­son húð­læknir, leiðir braut­ryðj­andi rann­sóknir sem varpa nýju ljósi á hvers vegna sjúk­dóm­ur­inn kemur fram. Hann telur mögu­legt að þróa lyf við sjúk­dómnum sem bjargað gæti manns­lífum.

Mest lesið í mánuðinum

Mest lesið undanfarið ár