„Er einhver hér í salnum sammála mér um að þetta sé komið út í tóma þvælu?“

Oddný Harð­ar­dóttir hefur beðið í þrjá mán­uði eftir að Bjarni svari fyr­ir­spurn hennar um úrvinnslu upp­lýs­inga í Panama-skjöl­unum. Þor­gerður Katrín segir tafir á svörum muni hafa áhrif á sam­komu­lag um þing­lok. Bjarni svarar með því að gagn­rýna Björn Leví Gunn­ars­son vegna fjölda tíma­frekra fyr­ir­spurna.

Tóm þvæla
Tóm þvæla Bjarni Bene­dikts­son fjár­mála- og efna­hags­ráð­herra segir fyr­ir­spurnir þing­manna til ráð­herra komnar út í tóma þvælu, sökum fjölda, nákvæmni og þess hve viða­miklar þær séu. Mynd: Pressphotos.biz

Bjarni Bene­dikts­son fjár­mála- og efna­hags­ráð­herra segir að fyr­ir­spurnir þing­manna til ráð­herra rík­is­stjórn­ar­innar séu komnar út í tóma þvælu. Fyr­ir­spurnir hafi lík­lega aldrei aldrei verið jafn margar á einu lög­gjaf­ar­þingi og auk þess séu þær svo viða­miklar að það sé tóm þvæla.

Þessi orð lét Bjarni falla í umræðum um fund­ar­stjórn for­seta á Alþingi í dag. Þingmenn stjórn­ar­and­stöð­unnar gagn­rýndu þá ráð­herra rík­is­stjórn­ar­innar harð­lega fyrir seina­gang þegar kæmi að svörum við fyr­ir­spurnum þing­manna. Þannig benti Þor­steinn Sæmunds­son, þing­maður Mið­flokks­ins, á það að fyrst á fimmtu­dag hefði borist svar við fyr­ir­spurn sem hann lagði fram 20. febr­úar síð­ast­lið­inn.

Oddný Harð­ar­dóttir, þing­flokks­for­maður Sam­fylk­ing­ar­innar benti jafn­framt á að í þrjá mán­uði hefði hún beðið eftir svörum varð­andi úrvinnslu á þeim gögnum sem finna mátti í Panama-skjöl­unum og vörð­uðu Íslend­inga. Enn biði hún eftir þeim svörum. „Hvers vegna í ósköp­unum stendur á þessu svari? Hvað tefur?“ spurði Oddný í for­undran.

Veikir eftirlitshlutverk þingsins

Þor­gerður Katrín Gunn­ars­dóttir, for­maður Við­reisnar, benti á að for­seti Alþingis hefði í upp­hafi þing­fundar lesið upp óskir frá fjölda ráð­herra þar sem óskað var eftir fresti til að svara hátt í tug fyr­ir­spurna þing­manna. Ekki gæti gegnið að þing­menn fengju ekki svör við fyr­ir­spurnum sínum fyrr en um mitt sumar eða jafn­vel ekki fyrr en í haust. Þannig væri verið að veikja eft­ir­lits­hlut­verk þing­manna með fram­kvæmda­vald­inu. „Þetta hlýtur óhjá­kvæmi­lega að hafa áhrif á sam­komu­lag okkar í stjórn­ar­and­stöð­unni varð­andi þing­lok núna í sumar,“ sagði Þor­gerður.

Fleiri þing­menn stjórn­ar­and­stöðu tóku undir þennan mál­flutn­ing. Katrín Jak­obs­dóttir for­sæt­is­ráð­herra kom þá í ræðu­stól og sagði mik­il­vægt að þessi staða yrði rædd í for­sætis­nefnd þings­ins en vildi þó minna á að lagðar hefðu verið fram 316 fyr­ir­spurnir til skirf­legs svars á yfir­stand­andi þingi. Væri það vafa­laust meiri fjöldi en sést hefði á fyrri þingum.

Ekki metfjöldi fyrirspurna

Bjarni Bene­dikts­son fjár­mála- og efna­hags­ráð­herra kom því næst í pontu og tók undir með Katrínu auk þess sem hann lýsti þeirri skoðun að lík­lega hefðu aldrei komið fram jafn margar, viða­miklar og nákvæmar fyr­ir­spurnir og nú. Nefndi hann sem dæmi fyr­ir­spurn frá Birni Leví Gunn­ars­syni, þing­manni Pírata, um störf þing­manna á vegum fram­kvæmda­valds­ins. „Spurt er tíu ár aftur í tím­ann um alla þing­menn sem setið hafa á Alþingi, um allar nefndir sem þeir hafa setið í, hvaða afurð hafi komið út úr öllum þeim nefndum allra þing­manna sl. tíu ár. Hvernig greiðslum til þeirra hafa verið háttað, hvað ætla megi að þing­menn hafi lagt mikla vinnu í tímum talið fyrir hverja ein­ustu nefnd tíu ár aftur í tím­ann. Er ein­hver hér í salnum sam­mála mér um að þetta sé komið út í tóma þvælu?“

Björn Leví benti á að það væri rangt að aldrei hefðu komið fram jafn margar fyr­ir­spurnir og á þessu þingi og að þar í ofaná­lag væru margar þeirra fyr­ir­spurna sem lagðar hefðu verið fram sam­hljóða en væri beint að mörgum ráð­herrum. Oddný Harð­ar­dóttir kom síðan á nýjan leik upp í ræðu­stól og ítrek­aði að hún hefði nú beðið í þrjá mán­uði eftir svörum varð­andi Panama-skjölin og álíka lengi eftir svörum við fyr­ir­spurn um laun for­stjóra og yfir­manna í rík­is­stofn­unum og fyr­ir­tækjum í eigu rík­is­ins. „Varla getur það verið, herra for­seti, að það standi á þessum svörum út af spurn­ingum frá hátt­virtum þing­manni Birni Leví Gunn­ars­syni. Er það út af því? Er það skýr­ingin á því að ég fæ ekki svör við þessum tveimur spurn­ingum sem eru búnar að liggja í rúma og tæpa þrjá mán­uði hjá hæst­virtum fjár­mála- og efna­hags­ráð­herra?“

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Mest lesið

5
Innlent

Hætta á að lánin hækki þó íbúða­verð lækki

Már Wolfgang Mixa hag­fræði­pró­fessor segir að stór hluti eigin fjár íbúða­eig­enda gæti þurrkast út á kom­andi mán­uðum. Verð­tryggðar fast­eigna­skuldir hækki í verð­bólgu­tíð sam­hliða því að íbúða­verð gæti lækkað. Hann leggur til að verð­tryggð hús­næð­is­lán fylgi íbúða­verði en ekki vísi­tölu neyslu­verðs. Þá myndu bank­arnir bera hluta áhætt­unnar.

Mest lesið

Mest lesið í vikunni

6
Innlent

Hætta á að lánin hækki þó íbúða­verð lækki

Már Wolfgang Mixa hag­fræði­pró­fessor segir að stór hluti eigin fjár íbúða­eig­enda gæti þurrkast út á kom­andi mán­uðum. Verð­tryggðar fast­eigna­skuldir hækki í verð­bólgu­tíð sam­hliða því að íbúða­verð gæti lækkað. Hann leggur til að verð­tryggð hús­næð­is­lán fylgi íbúða­verði en ekki vísi­tölu neyslu­verðs. Þá myndu bank­arnir bera hluta áhætt­unnar.

Mest lesið í mánuðinum

3
Viðtal

Íslenskur læknir varpar nýju ljósi á lífs­hættu­legan með­göngu­sjúk­dóm

Nítján ára gömul lá Silja Rut Ragn­ars­dóttir nær dauða en lífi á skurð­ar­borði Land­spít­al­ans eftir alvar­legt til­felli með­göngu­eitr­unar. Íslenskur vís­inda­maður í Banda­ríkj­unum, Jóhann Elí Guð­jóns­son húð­læknir, leiðir braut­ryðj­andi rann­sóknir sem varpa nýju ljósi á hvers vegna sjúk­dóm­ur­inn kemur fram. Hann telur mögu­legt að þróa lyf við sjúk­dómnum sem bjargað gæti manns­lífum.

Mest lesið í mánuðinum

Mest lesið undanfarið ár