Bjarni: „Vonandi læra einhverjir af þessu“

Röng full­yrð­ing í frétt dró dilk á eftir sér. Fjár­mála­ráð­herra sætti harðri gagn­rýni og vonar að dreg­inn verði lær­dómur af mál­inu.

Bjarni Bene­dikts­son, fjár­mála- og efna­hags­ráð­herra, hefur birt til­kynn­ingu á Facebook-síðu sinni þar sem hann seg­ist vona að ein­hverjir læri af þeim mis­tökum sem urðu þegar fluttar voru fréttir um að hann yrði stjórn­ar­for­maður einka­hluta­fé­lags sem sér um sölu rík­is­eigna.

Frétt RÚV þess efnis birt­ist í gær­kvöldi og vakti mikla athygli. Stundin fjall­aði svo um málið í morgun og setti í sam­hengi við umræður og nefnd­ar­á­lit af Alþingi. Fjöldi fólks gagn­rýndi til­hög­un­ina harð­lega, meðal ann­ars þing­menn stjórn­ar­and­stöð­unnar. Í frétt RÚV var vísað í svör við fyr­ir­spurn frétta­stofu til ráðu­neyt­is­ins og stóð fréttin óbreytt fram til hádegis í dag.

Loks sendi fjár­mála­ráðu­neytið út frétta­til­kynn­ingu þar sem fram kom að ekki stæði til að ráð­herra yrði sjálfur stjórn­ar­for­maður félags­ins. Í kjöl­farið baðst RÚV vel­virð­ingar á þeirri full­yrð­ingu. Fréttir Stund­ar­innar, Vísis og Eyjunnar voru jafn­framt upp­færðar í sam­ræmi við þær upp­lýs­ingar. 

Stundin ræddi við upp­lýs­inga­full­trúa ráðu­neyt­is­ins sem sagði að aldrei hefði staðið til að Bjarni gegndi stjórn­ar­for­mennsku í félag­inu.


Í stöðu­upp­færslu á Facebook segir Bjarni að málið sé löngu afgreitt frá Alþingi og það hafi verið und­ar­leg frétta­mennska að „túlka laga­text­ann í ein­hverju tóma­rúmi“. Búið sé að stofna félagið og skipa því stjórn. Ef allt gangi að óskum verði meg­in­þorra eign­anna komið í verð fyrir árs­lok. 

„Í þriðja lagi, von­andi læra ein­hverjir af þessu að éta ekki umhugs­un­ar­laust upp eftir öðrum (þmt RÚV) og kveða í beinu fram­haldi upp dóma. Ég sé að þetta hafa þónokkuð margir gert. Það sem feng­ist með því væri nefn­in­lega eft­ir­sókn­ar­vert fyrir okkur öll. 
Betra sam­fé­lag,“ skrifar Bjarni. 

Nanna Elísa Jak­obs­dóttir, blaða­kona á Frétta­blað­inu, bendir á að fleiri en einn frétta­maður 365 hafi reynt að ná í Bjarna eða aðstoð­ar­mann hans í morgun án árang­urs. „Svo kemur Facebook póstur frá mann­inum þar sem hann gerir hvað hann getur til þess að varpa rýrð á trú­verð­ug­leika fjöl­miðl­ana í land­inu. Mér finnst þetta lélegt,“ skrifar hún.

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Mest lesið

4
Innlent

Hætta á að lánin hækki þó íbúða­verð lækki

Már Wolfgang Mixa hag­fræði­pró­fessor segir að stór hluti eigin fjár íbúða­eig­enda gæti þurrkast út á kom­andi mán­uðum. Verð­tryggðar fast­eigna­skuldir hækki í verð­bólgu­tíð sam­hliða því að íbúða­verð gæti lækkað. Hann leggur til að verð­tryggð hús­næð­is­lán fylgi íbúða­verði en ekki vísi­tölu neyslu­verðs. Þá myndu bank­arnir bera hluta áhætt­unnar.

Mest lesið

Mest lesið í vikunni

Mest lesið í mánuðinum

3
Viðtal

Íslenskur læknir varpar nýju ljósi á lífs­hættu­legan með­göngu­sjúk­dóm

Nítján ára gömul lá Silja Rut Ragn­ars­dóttir nær dauða en lífi á skurð­ar­borði Land­spít­al­ans eftir alvar­legt til­felli með­göngu­eitr­unar. Íslenskur vís­inda­maður í Banda­ríkj­unum, Jóhann Elí Guð­jóns­son húð­læknir, leiðir braut­ryðj­andi rann­sóknir sem varpa nýju ljósi á hvers vegna sjúk­dóm­ur­inn kemur fram. Hann telur mögu­legt að þróa lyf við sjúk­dómnum sem bjargað gæti manns­lífum.
6
Viðtal

Ást­leysið er sárt

Nánd er nær­ing, nauð­syn­leg eins og matur. Tæpur helm­ingur fólks elst upp í óör­uggum tengslum sem geta komið niður á tengslum og ást­ar­sam­böndum á full­orð­ins­árum, jafn­vel ógnað heilsu, enda er „tengsla­myndun ein af grunn­for­sendum far­sældar“, að sögn klíníska sál­fræð­ings­ins Guð­brands Árna Ísberg. Í bók sinni, Í augum þínum verð ég til, fjallar hann um getu okkar til að mynda tengsl og ást­ina í öllum sínum myndum.

Mest lesið í mánuðinum

Mest lesið undanfarið ár