Þessi grein birtist upphaflega í Stundinni fyrir meira en 5 árum.

Svanavatnið, uppgangur þjóðernispopúlisma og sækadelía

Tón­leik­ar, sýn­ing­ar og við­burð­ir 13.-21. nóv­em­ber.

Svanavatnið, uppgangur þjóðernispopúlisma og sækadelía

Þetta og margt annað er að gerast á næstunni.

Reykjavik Dance Festival

Hvar? Reykjavík
Hvenær? 20.–23. nóvember
Aðgangseyrir: Fer eftir viðburðinum

Vetrarútgáfa Reykjavík Dance Festival er fögnuður danslista í breiðum skilningi, en margvíslegir viðburðir munu spretta upp á höfuðborgarsvæðinu, allt frá gjörningum í partí, listrænt spjall og sýningar. Meðal viðburða er gönguferð með fötluðum og ófötluðum leiðsögumönnum um Reykjavík, vinnusmiðja þar sem eldri borgurum býðst að læra að semja og spila pönktónlist og 35 mínútna athöfn þar sem konur á öllum aldri skapa lifandi andrúmsloft með söng og dansi þar sem kvenorka ræður ríkjum. Einnig verða reifaðar hugmyndir um krakkaveldi, eða hvernig heimurinn væri ef börn réðu ríkjum og hefðu ákvörðunarvald yfir til dæmis aðgerðaráætlun og framkvæmd gegn hamfarahlýnun.

Kvintett Rebekku Blöndal

Hvar? Harpa
Hvenær? 13. nóvember kl. 21.00
Aðgangseyrir: 2.500 kr.

Söngkonan Rebekka Blöndal og hljómsveit flytur lög stórsöngkonunnar Billie Holiday. Hún skildi eftir sig ótal perlur, margar þeirra magnþrungnar ballöður og ástarlög og verður það helsta sem unnendur hennar þekkja flutt á tónleikunum. Rebekka er ein af efnilegustu djasssöngkonum landsins, og tók þátt í söngvakeppninni The Voice 2015, en hún ætlar að túlka lög Billie á sinn hátt.

Ecstatic Vision, Godchilla, Pink Street Boys

Hvar? Gaukurinn
Hvenær? 13. nóvember kl. 22.00
Aðgangseyrir: 1.000 kr.

Þrjár sveitir sem eru að vinna með sækadelíu stíga á svið á Gauknum. Ecstatic Vision koma frá Fíladelfíu, en meðlimir sveitarinnar stofnuðu hana til að búa til þá tónlist sem þeim sjálfum fannst skemmtilegast að hlusta á. Með þeim spila leðjukenndu stóner-rokkararnir Godchilla og sótrokkararnir í Pink Street Boys.

ROCKY! - Óskabörn ógæfunnar

Hvar? Tjarnarbíó
Hvenær? 13. nóvember kl. 20.00
Aðgangseyrir: 4.400 kr.

ROCKY er glænýtt danskt verk eftir einn mest spennandi leikhúsmann Danaveldis, Tue Biering, en það tæklar rammpólitískt mál sem hrjáir lýðveldi heimsins: hvíta þjóðernishyggju. Verkið er sett upp sem ímynduð saga andstæðings hnefaleikarans Rocky Balboa, en í þessari útfærslu er hann líka myndlíking fyrir upprisu þjóðernispopúlisma á Vesturlöndum. 

Drag-Súgur

Hvar? Gaukurinn
Hvenær? 15. nóvember kl. 21.00
Aðgangseyrir: 2.400 kr.

Dragdrottningarnar (og -konungarnir) í kabaretthópnum Drag-Súgur halda upp á fjögurra ára afmæli sitt með þessari stórstjörnusýningu. Búast má við gríni og glensi, metnaðarfullum tilþrifum sem RuPaul's Drag Race mætti taka sér til fyrirmyndar, og gordjöss dans- og söngatriðum. Gestum stendur til boða kaka og þemadrykkir, blöðrur og ýmislegt fleira.

Skjáskot

Hvar? Borgarleikhúsið
Hvenær? 19. nóvember til 21. janúar
Aðgangseyrir: 3.900 kr.

Uppistandarinn og rithöfundurinn Bergur Ebbi velti upphátt fyrir sér málefnum eins og hver áhrif stafræns veruleika eru á hugsanir og athafnir einstaklinga, tilkall mismunandi kynslóða til réttlætis, BREXIT, Trump og fleiri spurningum fyrir áhorfendum Borgarleikhússins. Efnisþræðir þessa verks koma úr samnefndri bók hans, Skjáskot, sem kom út fyrir skömmu.

Minningardagur transfólks 

Hvar? Ráðhús Reykjavíkur
Hvenær? 20. nóvember kl. 17.00
Aðgangseyrir: Ókeypis!

Þann 20. nóvember ár hvert er minningardagur transfólks haldinn hátíðlegur til að minnast transfólks sem hefur verið myrt vegna kynvitundar sinnar eða tekið eigið líf. Trans Ísland býður öllu transfólki, fjölskyldu og samherjum að koma saman og votta þeim sem hafa dáið á þessu ári virðingu, og á sama tíma koma saman og vonast eftir bjartari framtíð. 

Exxistenz

Hvar? Skynlistasafnið
Hvenær? Til 1. desember
Aðgangseyrir: Ókeypis!

Exxistenz er umbreytandi fylgjusnákur sem borðaði og braut niður Ekkisens, sýningarrými sem starfrækt var í 101 Reykjavík árin 2014–2019 og lagði drög að nýrri starfsemi sem skipulögð yrði í rými þess, sem tilraunavinnustofu og skynlistasafns. Skynlistasafnið var því vígt með opnunarathöfn þann 9. nóvember kl. 17.00, með breyttum innviðum, kynningu á nýjum áherslum og samsýningu á listaverkum sem fjalla um framtíðarverundina. 

Svanavatnið

Hvar? Harpa
Hvenær? 21.–23. nóvember
Aðgangseyrir: Frá 5.500 kr.

Svanavatnið er einhver vinsælasti ballett allra tíma og telst til helstu verka klassíska ballettheimsins. Stórkostleg tónlist Tsjajkvoskíjs á mikinn þátt í því að ballettinn hefur haldið vinsældum sínum frá upphafi, en Sinfóníuhljómsveit Íslands mun leika hana á sama tíma og rússneski dansflokkurinn St. Petersburg Festival Ballet flytur verkið.

Eitur

Hvar? Borgarleikhúsið
Hvenær? Til 12. desember
Aðgangseyrir: 6.750 kr.

Hilmir Snær og Nína Dögg takast á við kynngimögnuð hlutverk í margverðlaunuðu leikriti um sorgina í ástinni, en Eitur fjallar um fráskilin hjón sem hittast aftur tíu árum eftir skilnað við óvæntar aðstæður. Þau dansa á hárfínni línu afbrýðisemi, söknuðar, væntumþykju, biturðar og kraumandi ástríðna. 

Kjósa
0
Hvernig finnst þér þessi grein? Skráðu þig inn til að kjósa.

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.
Tengdar greinar

Stundarskráin

Mest lesið

„Hermaðurinn í mér var alltaf til staðar“
3
ErlentÁ vettvangi í Úkraínu

„Her­mað­ur­inn í mér var alltaf til stað­ar“

Lista­mað­ur sem varð lið­þjálfi út­skýr­ir hvernig það kom til að hann gekk til liðs við Azov-her­deild­ina í Úkraínu. Hann og fleiri veita inn­sýn í störf þess­ar­ar um­deild­ustu her­deild­ar lands­ins og hafna ásök­un­um um tengsl við hægri öfga­flokka. Það sé af sem áð­ur var að all­ir sem gátu lyft byssu væru sam­þykkt­ir í deild­ina. Um leið og her­deild­in hafi ver­ið tek­in inn í þjóð­varn­ar­lið­ið hafi póli­tísk­ar hug­sjón­ir þurft að víkja.

Mest lesið

Mest lesið í vikunni

Aðstoð Brynjars við Jón átti þátt í yfirburðahæfi
3
Fréttir

Að­stoð Brynj­ars við Jón átti þátt í yf­ir­burða­hæfi

Hæfn­is­nefnd­in sem komst að nið­ur­stöðu um að Brynj­ar Ní­els­son vara­þing­mað­ur væri hæf­ast­ur til að verða dóm­ari við Hér­aðs­dóm Reykja­vík­ur horfði sér­stak­lega til starfa hans sem póli­tísks að­stoð­ar­manns Jóns Gunn­ars­son­ar í dóms­mála­ráðu­neyt­inu. Meiri­hluti um­sækj­enda dró um­sókn­ina til baka eft­ir að þeir voru upp­lýst­ir um hverj­ir aðr­ir sóttu um.
Svona græddu allir bankarnir milljarða
6
Greining

Svona græddu all­ir bank­arn­ir millj­arða

Ís­lensku við­skipta­bank­arn­ir fjór­ir, Lands­banki, Ís­lands­banki, Ari­on banki og Kvika, græddu sama­lagt 96 millj­arða króna. All­ir hafa þeir skil­að upp­gjöri og vilja stjórn­ir þeirra greiða eig­end­um sín­um meira en 50 millj­arða króna í arð. Ís­lenska rík­ið og líf­eyr­is­sjóð­ir eru lang­stærstu eig­end­ur ís­lenska banka­kerf­is­ins og mega því vænta stærsta hluta arðs­ins.

Mest lesið í mánuðinum

Ásgeir greindist með banvænt krabbamein: „Ég ætla samt að halda partí“
1
Viðtal

Ás­geir greind­ist með ban­vænt krabba­mein: „Ég ætla samt að halda partí“

Ás­geir H. Ing­ólfs­son fékk ný­ver­ið dauða­dóm, eins og hann orð­ar það. Krabba­mein­ið sem hann greind­ist með er ekki tækt til með­ferð­ar. Ljóð­skáld­ið og blaða­mað­ur­inn býð­ur því til Lífs­kviðu; mann­fagn­að­ar og list­við­burð­ar á Götu sól­ar­inn­ar við Kjarna­skóg. Ás­geir frá­bið­ur sér orð­ið æðru­leysi í þessu sam­hengi, því auð­vit­að sé hann „al­veg hund­fúll.“

Mest lesið í mánuðinum

Nýtt efni

Mest lesið undanfarið ár