Þörf er á að endurmóta stefnu íslenska ríkisins vegna aðlögunar innflytjenda, einkum er varðar aðlögun á vinnumarkaði. Margs konar hindranir eru þannig í vegi menntaðra innflytjenda er kemur að atvinnu hjá hinu opinbera, bæði ófullnægjandi íslenskukunnátta en einnig óhagstæð lög og stefna stjórnvalda og framkvæmd þeirrar stefnu.
Þetta er meðal niðurstaðna í skýrslu um jafnrétti innflytjenda á atvinnumarkaði sem lögfræðistofan Réttur hefur unnið. Þar kemur fram að margt bendi til að flókið sé fyrir innflytjendur að fá menntun sína metna hér á landi. Í skýrslunni eru lagðar fram ýmsar tillögur til að bæta úr þessum annmörkum, meðal annars að matsferli á erlendri menntun verði einfaldað og boðið verði upp á fjölbreyttari námskeið sem miði að því að innflytjendur geti fengið menntun sína og reynslu metna.
Fólkið sem fékk að vera
Fær loks að starfa sem tannlæknir eftir fimm ára bið
Komu sem flóttamenn en eru sögð of upptekin til að lifa: „Þetta er lífið“
Athugasemdir