Þessi grein birtist upphaflega í Stundinni fyrir meira en 4 árum.

Foringi íslenskra nýnasista stígur fram

Rík­harð­ur Leó Magnús­son lýs­ir sér sem leið­toga Norð­ur­víg­is, Ís­lands­deild­ar Nor­rænu mót­stöðu­hreyf­ing­ar­inn­ar. Hann seg­ir gott fyr­ir Ís­lend­inga að hitta „reynda her­menn“. Með­lim­ir dreifðu áróðri á Akra­nesi og æfðu bar­daga­tækni.

Foringi íslenskra nýnasista stígur fram
Norræna mótstöðuhreyfingin Ríkharður, annar frá vinstri, er leiðtogi hópsins á Íslandi. Mynd: Expo

Ríkharður Leó Magnússon, einnig þekktur sem Bror Vakur, lýsir sér sem leiðtoga Norðurvígis, Íslandsdeildar nýnasistasamtakanna Norrænu mótstöðuhreyfingarinnar. Hann tók þátt í fyrsta maí göngu þeirra í bænum Ludvika í Svíþjóð og stóð fyrir komu á annars tugs nýnasista til landsins í vikunni.

Eins og fram hefur komið í umfjöllun Stundarinnar í samstarfi við sænska fjölmiðilinn Expo eru leiðtogar Norrænu mótstöðuhreyfingarinnar frá Svíþjóð staddir á Íslandi. Margir þeirra eru dæmdir ofbeldismenn, en á meðal þeirra er Simon Lindberg, leiðtogi nýnasista á Norðurlöndum. Samtökin hafa verið bönnuð í Finnlandi. Embætti ríkislögreglustjóra telur að ekki sé yfirvofandi hætta af hópnum, en starfsemi hans var nefnd í skýrslu embættisins um hryðjuverk.

Ríkharður ræddi við sænska meðlimi í hlaðvarpsþætti sem tekinn var upp á Íslandi á meðan ferðinni stóð. „Ég heiti Ríkharður og ég er leiðtogi Íslandsdeildarinnar,“ sagði hann. „Ég hef verið í mótstöðuhreyfingunni frá 2016 og hef hjálpað til við að stækka deildina sem hefur gengið hægt en stöðugt. Við erum með góða meðlimi núna. Ég bauð Skandinövunum að koma hingað frá Norðurlöndunum til að vera með okkur í „business and pleasure“, bæði aðgerðum og skoðunarferðum.“

Á LækjartorgiRíkharður, til hægri á myndinni, rétti vegfarendum bæklinga í gær.

Samkvæmt lýsingum Ríkharðs fór hópurinn Gullna hringinn og skoðaði Þingvelli, Geysi og Gullfoss. Þá fór hópurinn í gönguferð um Reykjadal og böðuðu meðlimir hreyfingarinnar sig í heitum laugum. Loks hlýddi hópurinn á ræðu frá Simon Lindberg, leiðtoga Norrænu mótstöðuhreyfingarinnar, og sögðu þáttargestir ræðuna hafa veitt þeim mikinn innblástur.

„Fyrir íslensku meðlimana [...] er gott að hitta reynda hermenn til að komast inn í baráttuna“

Hópurinn æfði bardagatækni og segist Ríkharður vera reyndur í svokölluðum HEMA (historical European martial arts) skylmingum. „Það hefur verið mjög gott að fá félagana hingað til lands þar sem við erum frekar einangruð,“ sagði hann. „Fyrir íslensku meðlimana, sérstaklega þá nýju sem hafa ekki hitt meðlimi frá Skandinavíu, er gott að hitta reynda hermenn til að komast inn í baráttuna.“

Þáttastjórnendur lýstu yfir ánægju sinni með Ísland, þar sem það væru ekki of margir innflytjendur. „Þetta er framandi fyrir okkur sem erum með marga innflytjendur í Svíþjóð. Að labba um í dag meðal hvíts fólks og þurfa ekki að hrópa á fólk á götunni.“ Vöruðu þeir við komu innflytjenda ef Íslendingar færu ekki að aðhyllast þjóðernis félagshyggju í náinni framtíð.

Ríkharður tók undir þetta og sagðist alltaf hafa upplifað sig einan í sínum bekk í skóla með öðruvísi stjórnmálaskoðanir. Síðar hafi hann kynnst fólki sem deildi með honum hugmyndum. „Þjóðernis félagshyggja er það eina sem virkar og það eina sem fólk á að horfa til. Hún er góð fyrir alla.“

Loks þýddi hann sænsku nasistakveðjuna „hell seger“ á íslensku sem „heill sigur“.

Ógnað með vatnsslöngu á Akranesi

Ríkharður tók þátt í 1. maí göngu Norrænu mótstöðuhreyfingarinnar í bænum Ludvika í Svíþjóð í vor. Hann var einnig til viðtals í hlaðvarpsþætti hreyfingarinnar í bænum í byrjun árs. Sagði hann Íslendinga ekki vera „meðvitaða um gyðinga“. Á viðtalinu má skilja að koma meðlimanna til Íslands og fundurinn á Lækjartorgi hafi verið í undirbúningi allt ár.

Norræna mótstöðuhreyfinginRíkharður tók þátt í 1. maí göngu nýnasista í bænum Ludvika í Svíþjóð.

Samkvæmt skrifum á vefsíðu hreyfingarinnar hélt hópurinn á Akranes eftir veruna á Lækjartorgi. Þar dreifðu meðlimir bæklingum fyrir utan verslun á meðan aðrir gengu í hús. Þeir segja verslunarstjóra hafa hringt á lögregluna og hótað að sprauta á sig vatni úr vatnsslöngu.

Boðað hefur verið til mótmæla gegn nýnasisma klukkan þrjú á morgun, laugardag, á Lækjartorgi. Á meðal ræðumanna verða Dóra Björt Guðjónsdóttir, borgarfulltrúi Pírata, og Sanna Magdalena Mörtudóttir, borgarfulltrúi Sósíalistaflokksins.

„Þetta er eitthvað sem við sættum okkur ekki við. Nasismi, í hvaða formi sem hann birtist, er og verður aldrei velkominn á Íslandi og því köllum við eftir að fólk sýni andstöðu sína,“ segir í tilkynningu vegna mótmælanna. „Við stöndum saman gegn því að nýnasistar eða aðrir skoðanabræður þeirra geti gert tilraunir til að auka vægi sitt í íslensku samfélagi og sýnum þeim því að hingað eru þessar hugsjónir ekki komnar til að vera!“

Ekki náðist í Ríkharð við vinnslu fréttarinnar.

Kjósa
0
Hvernig finnst þér þessi grein? Skráðu þig inn til að kjósa.

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Mest lesið

Meðallaun segja ekki allt varðandi kjör fólks í landinu
1
GreiningMillistétt í molum

Með­al­laun segja ekki allt varð­andi kjör fólks í land­inu

Reglu­lega er töl­um um með­al­laun Ís­lend­inga fleygt fram í um­ræð­unni og þau gjarn­an sögð vera óvenju­há í sam­an­burði við önn­ur lönd. Í fyrra voru heild­ar­laun full­vinn­andi fólks að með­al­tali 935.000 þús­und krón­ur á mán­uði. Hins veg­ar fær flest starf­andi fólk mán­að­ar­laun sem eru lægri en þetta með­al­tal. Að ýmsu þarf að gæta þeg­ar með­al­tal­ið er rætt því hlut­fall­ið seg­ir ekki alla sög­una.
Greiddu 17 milljónir fyrir skýrslu um stöðu drengja
5
Fréttir

Greiddu 17 millj­ón­ir fyr­ir skýrslu um stöðu drengja

Skýrsla um stöðu drengja í skóla­kerf­inu sem unn­in var að beiðni mennta- og barna­mála­ráð­herra og há­skóla-, iðn­að­ar- og ný­sköp­un­ar­ráð­herra kostaði sam­an­lagt um 13,7 millj­ón­ir króna auk virð­is­auka­skatts og hljóð­ar heild­ar­upp­hæð­in því upp á rúm­ar 17 millj­ón­ir. Tryggvi Hjalta­son, grein­andi hjá CCP, er eini höf­und­ur skýrsl­unn­ar. Í sam­tali við Heim­ild­ina seg­ist hann hafa unn­ið að skýrsl­unni sam­hliða öðr­um störf­um en vinn­an tók um eitt og hálft ár.

Mest lesið

Mest lesið í vikunni

„Það er ekkert eftir“
2
GreiningMillistétt í molum

„Það er ekk­ert eft­ir“

Þrátt fyr­ir að um helm­ing­ur hjóna­banda endi með skiln­aði virð­ist kerf­ið ekki miða við for­eldra sem vana­lega eru kall­að­ir ein­stæð­ir – en eru í þess­ari grein kall­að­ir sjálf­stæð­ir. Heim­ild­in fékk á þriðja tug þátt­tak­enda til að svara spurn­ing­um um lífs­kjör sín. Svör­in sem bár­ust kall­ast vel á við lífs­kjarak­ann­an­ir sem fram­kvæmd­ar hafa ver­ið að und­an­förnu.

Mest lesið í mánuðinum

Þau sem hafa hagnast ævintýralega á Þorpinu
1
FréttirHúsnæðismál

Þau sem hafa hagn­ast æv­in­týra­lega á Þorp­inu

Ár­ið 2021 keypti hóp­ur fjár­festa í gegn­um eign­ar­halds­fé­lag­ið Þorp­ið 6 ehf. lóð­ir og bygg­ing­ar­rétt­indi á Ár­túns­höfða í Reykja­vík fyr­ir 7,4 millj­arða króna. Fyrr á þessu ári voru lóða­rétt­ind­in seld fyr­ir ell­efu millj­arða króna án þess að nokk­uð hafi ver­ið byggt á svæð­inu. Við­skipt­in sýna vel hvernig fjár­fest­ar geta hagn­ast æv­in­týra­lega með því að kaupa og selja lóð­ir og bygg­ing­ar­rétt­indi á til­tölu­lega skömm­um tíma.
Hulduheildsali flytur inn hundruð tonna af kjöti
3
RannsóknSamkeppnisundanþága í Landbúnaði

Huldu­heild­sali flyt­ur inn hundruð tonna af kjöti

Ris­ar á ís­lensk­um kjöt­mark­aði, sem fengu í vor um­deild­ar und­an­þág­ur frá sam­keppn­is­lög­um til þess að verj­ast sam­keppni að ut­an, verða á þessu ári um­fangs­mest­ir í kjöt­inn­flutn­ingi og því keppi­naut­ar sjálfs sín. „Von­brigði,“ seg­ir formað­ur at­vinnu­vega­nefnd­ar. Um­fangs­mik­il heild­sala á hundruð­um tonna af inn­fluttu kjöti virð­ist fyrst og síð­ast leiktjald fyr­ir öfl­ug­asta hags­muna­afl­ið gegn inn­flutn­ingi land­bún­að­ar­vara.
Tvíburasystur óléttar samtímis: „Þetta er draumurinn“
4
Viðtal

Tví­bura­syst­ur ólétt­ar sam­tím­is: „Þetta er draum­ur­inn“

Tví­bur­ar, sem lík­lega eru eineggja, gengu sam­tals í gegn­um þrjú fóst­ur­lát á inn­an við ári og voru um tíma óviss­ar um að þeim tæk­ist nokk­urn tím­ann að eign­ast börn. En nú hef­ur birt til og þær eiga von á börn­um með tæp­lega tveggja mán­aða milli­bili. Gen barn­anna verða lík­lega eins lík og hálf­systkina vegna mik­illa lík­inda með genum mæðr­anna.
„Ég var bara niðurlægð“
5
Viðtal

„Ég var bara nið­ur­lægð“

Séra Agnes M. Sig­urð­ar­dótt­ir, bisk­up Ís­lands, vill skila skömm­inni til kirkju­þings þar sem hún upp­lifði nið­ur­læg­ingu eft­ir að óvissa varð uppi um lög­mæti embætt­is­gjörða henn­ar. Hún seg­ir að kirkju­þing hafi átt að greiða úr mál­inu og eyða óvissu um stöðu henn­ar. Agnes tel­ur að karl­kyns bisk­up hefði aldrei þurft að þola slíka fram­komu af hálfu kirkju­þings en hún er fyrsta kon­an sem er kjör­in bisk­up.
Running Tide og ráðherrarnir - Koma af fjöllum um eftirlitsleysið
8
FréttirRunning Tide

Runn­ing Tide og ráð­herr­arn­ir - Koma af fjöll­um um eft­ir­lits­leys­ið

Blaða­menn Heim­ild­ar­inn­ar tóku við­töl við þrjá ráð­herra um að­komu þeirra að því að Runn­ing Tide fékk leyfi stjórn­valda til starf­semi á Ís­landi. Um­hverf­is­ráð­herra sagði ein­ung­is hafa haft full­yrð­ing­ar for­svars­manna fyr­ir­tæk­is­ins fyr­ir því að starf­sem­in væri „stærsta ein­staka kol­efn­is­föng­un­ar­verk­efni í heimi“. Ut­an­rík­is­ráð­herra seg­ist ekki geta svar­að því hvort hún hafi skap­að for­dæmi sem leyfi nú að af­gangstimbri verði hent í sjó­inn í stór­um stíl.

Mest lesið í mánuðinum

Nýtt efni

Mest lesið undanfarið ár