Þessi grein birtist upphaflega í Stundinni fyrir meira en 5 árum.

Segir verðtryggingarfrumvarp „hafa fyrst og fremst neikvæð áhrif á meðlimi annarra stéttarfélaga“

Þórólf­ur Matth­ías­son, pró­fess­or í hag­fræði, seg­ir að þeim sem kröfð­ust af­náms verð­trygg­ing­ar­inn­ar sé bjarg­að frá nei­kvæð­um áhrif­um verð­trygg­ing­ar­frum­varps­ins með víð­tæk­um und­an­þág­um.

Segir verðtryggingarfrumvarp „hafa fyrst og fremst neikvæð áhrif á meðlimi annarra stéttarfélaga“

Frumvarp um skref til afnáms verðtryggingar er ekki til þess fallið að bæta stöðu launþega á húsnæðismarkaði. Þetta segir Þórólfur Matthíasson, prófessor í hagfræði við Háskóla Íslands, í umsögn sinni við frumvarpið á Samráðsgátt stjórnvalda.

Í frumvarpinu eru lagðar til nokkrar breytingar á fyrirkomulagi veitingar verðtryggðra fasteignalána. Hámarkstími verðtryggðra jafngreiðslulána til neytenda verður styttur 25 ár, nema lántakendur uppfylli ákveðin skilyrði. Þá verður heimilt að miða við vísitölu neysluverðs án húsnæðis til verðtryggingar.

Þórólfur segir að með frumvarpinu sé ráðist í að draga úr notkun vinsælasta lánaformsins á húsnæðismarkaði. „Grunnforsenda aðgerðanna er því að stór hluti þeirra sem taka lán til kaupa á húsnæði velji lánaform sér til skaða,“ skrifar hann. „Engin rök eru sett fram til að réttlæta inngripið.“

Í umsögninni kemur fram að takmörkunin á veitingu verðtryggðra lána muni mögulega einungis ná til fámenns hluta lántaka. „Hugsanlega undir 5%,“ skrifar Þórólfur. „Sá hópur myndi samanstanda af einstaklingum eða sambýlisfólki sem er yfir 40 ára gamalt með tekjur umfram 4,2 milljónir (einstaklingur) eða 7,2 milljónir (sambýlisfólk) á næstliðnu ári og af fólki sem sæktist efir verðsetningu milli 50 og 70% af verðmæti húsnæðis.  Spyrja má hvort eðlilegt sé að þrengja kjör svo fámenns og sértæks hóps með almennri lagasetningu án þess að vitna megi til almannaheilla.“

Þá telur Þórólfur að lánastofnanir muni koma til móts við þennan litla hóp með því að bjóða upp á lánaafurðir sem líkja eftir hefðbundnum jafngreiðslulánum. Það verði mögulega gert með því að safna vaxtagreiðslum á sérstakt kúlulán sem yrði gert upp þegar lánstími væri hálfnaður eða meira með nýju skuldabréfi.

„Það er einnig rétt að benda á að sá hópur sem líklegast verður fyrir takmörkunum, fólk um fertugt, með tiltölulega góðar tekjur en með lítið eigið fé í fasteignum eða öðrum fjáreignum er ekki sá hópur sem telst til umbjóðenda verkalýðsfélaga á almennum markaði,“ skrifar Þórólfur. „Þvert á móti er slíka hópa fyrst og fremst að finna meðal þeirra sem leita sér mjög langrar skólagöngu erlendis, t.d. sérfræðilæknar og fólk með doktorspróf. Þessir hópar tilheyra flestir Bandalagi háskólamanna. Þannig má segja að inntak undanþáganna sé í raun að hafa áhrif á aðila sem ekki eru félagsmenn þeirra félaga sem gerðu kröfu um umræddar breytingar.“

„Undanþáguákvæði frumvarpsins draga stórlega úr áhrifum fyrirhugaðrar lagabreytingar á meðlimi þeirra verkalýðsfélaga sem settu fram kröfuna“

Loks bendir Þórólfur á að ráðist hafi verið í vinnu við frumvarpið að undirlagi aðila vinnumarkaðarins. „Frá sjónarhóli siðfræði og almennrar kurteisi má spyrja hvort eðlilegt sé að krafa sem sett er fram af hálfu verkalýðsfélaga á almennum markaði gagnvart stjórnvöldum sé útfærð á þann hátt að hafa fyrst og fremst neikvæð áhrif á meðlimi annarra stéttarfélaga,“ skrifar Þórólfur að lokum. „Undanþáguákvæði frumvarpsins draga stórlega úr áhrifum fyrirhugaðrar lagabreytingar á meðlimi þeirra verkalýðsfélaga sem settu fram kröfuna. Undanþáguákvæði verða til þess að fyrirhugaðar lagabreytingar gera meðlimum annarra verkalýðsfélaga erfiðara fyrir að fá lánafyrirgreiðslu við húsnæðiskaup. Ekki er hægt að mæla með samþykkt frumvarpsins í óbreyttri mynd.“

Kjósa
0
Hvernig finnst þér þessi grein? Skráðu þig inn til að kjósa.

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Mest lesið

Illugi Jökulsson
5
Pistill

Illugi Jökulsson

Létt prófraun rík­is­stjórn­ar og Al­þing­is

Næstu daga munu rík­is­stjórn og Al­þingi gang­ast und­ir prófraun og ef þess­ar æðstu stofn­an­ir lands­ins falla á próf­inu mun það óhjá­kvæmi­lega hafa í för með sér að traust til þeirra minnk­ar mjög veru­lega hjá stór­um hópi fólks. Þar á með­al mér. Prófraun­in felst í því að and­lits­laust stjórn­vald hef­ur ákveð­ið að 17 ára pilti, hon­um Oscari okk­ar allra,  skuli vís­að...

Mest lesið

Mest lesið í vikunni

Einhverfir á vinnumarkaði: Starfsmannaskemmtanir bara ólaunuð yfirvinna
1
Úttekt

Ein­hverf­ir á vinnu­mark­aði: Starfs­manna­skemmt­an­ir bara ólaun­uð yf­ir­vinna

Í at­vinnu­aug­lýs­ing­um er gjarn­an kraf­ist mik­illa sam­skipta­hæfi­leika, jafn­vel í störf­um þar sem þess ekki er þörf. Þetta get­ur úti­lok­að fólk, til að mynda ein­hverfa, sem búa yf­ir öðr­um mik­il­væg­um styrk­leik­um. Bjarney L. Bjarna­dótt­ir gerði tíma­mót­a­rann­sókn á þessu og legg­ur áherslu á að at­vinnu­rek­end­ur efli fötl­un­ar­sjálfs­traust.
Fólki sparkað úr landi fyrir að verja stjórnarskrána
4
Fréttir

Fólki spark­að úr landi fyr­ir að verja stjórn­ar­skrána

Banda­ríkja­stjórn bann­aði Har­vard-há­skóla að taka við er­lend­um nem­end­um síð­ast­lið­inn fimmtu­dag með nýrri til­skip­un en Har­vard hef­ur kært ákvörð­un­ina og seg­ir hana skýrt brot gegn fyrsta við­auka stjórn­ar­skrár­inn­ar um tján­ing­ar­frelsi. Bráða­birgða­lög­bann hef­ur ver­ið sett á til­skip­un­ina. „Hægt og ró­lega er­um við að sjá fall Banda­ríkj­anna," seg­ir Gunn­hild­ur Fríða Hall­gríms­dótt­ir, sem er að út­skrif­ast úr há­skól­an­um.

Mest lesið í mánuðinum

Mest lesið í mánuðinum

Nýtt efni

Mest lesið undanfarið ár