Áhrifafólk í Pírötum fordæmir „opinbera aðför“ gegn Birgittu Jónsdóttur

Á fimmta tug fólks sem seg­ist félagar í Pírötum hafa skrifað undir yfir­lýs­ingu þar sem þing­menn flokks­ins eru gagn­rýndir fyrir að hafa „farið offari“ gegn Birgittu Jóns­dóttur á félags­fundi mánu­dag­inn 15. júní síð­ast­lið­inn.

Á fund­inum var til­nefn­ingu Birgittu, stofn­anda og fyrr­ver­andi for­ystu­konu Pírata, í trún­að­ar­ráð flokks­ins hafnað með 55 af 68 greiddum atkvæðum eftir að þing­menn höfðu tekið afger­andi afstöðu gegn því að hún yrði kjörin. Fjallað hefur verið ítar­lega um málið í fjöl­miðlum og birti Viljinn.is mynd­band þar sem Helgi Hrafn Gunn­ars­son þing­maður lýsti reynslu sinni af því að vinna með Birgittu og vand­aði henni ekki kveðj­urnar.

„Við und­ir­rituð, félagar í Pírötum, hörmum þá atburða­rás sem átti sér stað á félags­fundi mánu­dag­inn 15. júlí síð­ast­lið­inn. Umræddur fundur var félags­fundur og aug­lýstur sem slíkur og hvergi í fund­ar­boði kom fram að per­sónu­legt upp­gjör milli nokk­urra félags­manna skyldi eiga sér stað,“ segir í yfir­lýs­ingu sem fylgir und­ir­skrifta­söfnun sem sett var af stað í gær. 42 hafa lagt nafn sitt við yfir­lýs­ing­una þegar þetta er skrifað, þar á meðal Álf­heiður Eymars­dóttir, vara­þing­kona flokks­ins,  Guðrún Ágústa Þór­dís­ar­dóttir, fyrr­ver­andi vara­þing­kona og Þórólfur Júlían Dagsson, odd­viti Pírata í Reykja­nesbæ.

„Þingmenn Pírata og annað valda­fólk innan flokks­ins sem tóku til máls á fund­inum fóru offari gegn einum félags­manni. Sú opin­bera aðför, óháð því hvaða stöðu umræddur félags­maður gegndi áður og hvað kann að hafa farið aðila á milli fyrr, er með öllu ólíð­andi.Öllum skal sýnd kurt­eisi og virð­ing, sér­stak­lega þegar rætt er um og/eða talað til ákveð­inna ein­stak­linga. Framkoma þeirra sem fóru offari á fyrr­nefndum fundi er ámæl­is­verð, engum til gagns, og ber að for­dæma.Þá skyldi ekki líta hjá stöðu þeirra sem um ræðir, en það traust sem full­trúum gras­rótar á Alþingi er falið er ekki sjálf­sagður hlutur og bíður eðli­lega hnekki, innan hreyf­ing­ar­innar sem utan, þegar komið er fram með þessum hætti.“