Í ár eru 30 ár liðin síðan Berlínarmúrinn féll og tveim árum síðar hurfu sjálf Sovétríkin af heimskortinu. Eins óhugsandi og sá viðburður virtist á sínum tíma er það fyrir mörgum í dag jafn undarlegt að eitt sinn hafi vígvædd landamæri legið í gegnum hjarta Evrópu. Það er því kannski ekki að undra að mikill áhugi sé fyrir Sovétríkjunum þessa dagana, sem fyrir nýrri kynslóð hljóta að hljóma eins og eitthvað úr vísindaskáldsögu. Meðal þeirra sem hafa vakið athygli fyrir skáldsögur um þessa merkilegu sögu og viðstaddar voru á nýlokinni bókamessu í London eru tvær konur, önnur bandarísk, hin rússnesk. 

Lara Prescott nam ritlist við háskólann í Texas og er í óða önn að leggja bókmenntaheiminn að fótum sér. Fyrsta bók hennar kemur út í haust en tvær milljónir dollara fengust fyrir útgáfuréttinn og hefur bókin þegar verið seld til 28 landa. Þá er kvikmynd í vinnslu hjá framleiðendum næstum …