Upptökum úr mynda­vélum Alþingis frá 20. nóv­em­ber 2018 hefur verið eytt. Þetta kemur fram í úrskurði Lands­réttar vegna Klaust­urs­máls­ins þar sem nið­ur­staða Hér­aðs­dóms Reykja­víkur, um að hafna kröfu Mið­flokks­manna um gagna­öflun og vitna­leiðslur er stað­fest. 

„Við með­ferð máls­ins fyrir Lands­rétti voru lögð fram gögn um að Per­sónu­vernd hefði óskað eftir upp­tökum úr eft­ir­lits­mynda­véla­kerfi veit­inga­stof­unnar Klaust­urs. Jafn­framt að fram hafi komið hjá fyr­ir­svars­manni veit­inga­stof­unnar að gerðar hafi verið ráð­staf­anir til að varð­veita upp­tök­urnar í sex mán­uði. Þá hefur verið upp­lýst að upp­tökum úr mynda­vélum Alþingis hafi verið eytt og að ekki séu eft­ir­lits­mynda­vélar á vegum dóm­kirkj­unnar,“ segir í úrskurð­inum sem Stundin hefur undir höndum.

„Það eru engar upp­tökur til hér frá þessu kvöldi“

Áður hefur Helgi Bern­ód­us­son skrif­stofu­stjóri Alþingis sagt í svari við fyr­ir­spurn Stund­ar­innar um tengd mál­efni: „Það eru engar upp­tökur til hér frá þessu kvöldi. Væri það svo mundum við hvorki varð­veita slíkt né afhenda öðrum en lög­reglu.“

Lands­réttur taldi þing­menn Mið­flokks­ins ekki hafa sýnt fram á að gagna­öfl­unin væri nauð­syn­leg til að und­ir­byggja ákvörðun um mál­sókn. Var því úrskurður hér­aðs­dóms stað­festur og þing­menn­irnir dæmdir til að greiða Báru Hall­dórs­dóttur 300 þús­und krónur í kæru­máls­kostnað.