Lands­réttur hefur stað­fest úrskurð Hér­aðs­dóms Reykja­víkur er varðar fyr­ir­hug­aða mál­sókn þing­manna Mið­flokks­ins gegn Báru Hall­dórs­dóttur vegna hljóð­rit­unar á sam­skiptum þeirra á veit­inga­staðnum Klaustri. 

Þing­menn­irnir, þau Sig­mundur Davíð Gunn­laugs­son, Gunnar Bragi Sveins­son, Bergþór Ólason og Anna Kolbrún Árna­dóttir, fóru fram á að ráð­ist yrði í gagna­öflun og vitna­leiðslur fyrir hér­aðs­dómi í des­em­ber. Þeirri kröfu var hafnað í hér­aði þann 19. des­em­ber en þing­menn­irnir áfrýj­uðu mál­inu til Lands­réttar.

Samkvæmt heim­ildum Stund­ar­innar kvað Lands­réttur upp úrskurð í dag þar sem nið­ur­staða Hér­aðs­dóms er stað­fest og máls­kostn­aður felldur á þing­menn­ina. 

Bára Hall­dórs­dóttir steig fram í for­síðu­við­tali við Stundina þann 7. des­em­ber síð­ast­lið­inn. „Mér bara brá svo þegar ég heyrði hvernig þing­menn­irnir töl­uðu. Satt best að segja trúði ég ekki mínum eigin skiln­ing­ar­vitum. Svo ég byrj­aði bara að taka upp, án þess að hugsa það neitt lengra,“ sagði hún sem sjálf er hinsegin og öryrki. „Því meira sem ég hlust­aði, því reið­ari varð ég, því þarna voru saman komnir valda­miklir menn að spúa hatri yfir minni­hluta­hópa á almanna­vett­vangi. Ég held að það hafi verið rétt að upp­lýsa almenn­ing um það sem þarna fór fram og eftir á að hyggja er ég stolt af því.“

Af bréfum sem lög­maður þing­manna Mið­flokks­ins hefur sent hér­aðs­dómi og Per­sónu­vernd má ráða að þing­menn­irnir vilji að Bára Hall­dórs­dóttir sæti refs­ingu, greiði þeim miska­bætur og verði sektuð af Per­sónu­vernd vegna ólög­mætrar „njósn­a­að­gerðar“ sem þing­menn­irnir telja sig hafa orðið fyrir.

Bjarni Bene­dikts­son fjár­mála­ráð­herra hefur lýst skiln­ingi á þessum aðgerðum þing­mann­anna. „Ef ég á að segja alveg eins og er þá er ég kom­inn með hund­leið á þessu máli. Ég skil alveg það sem Sig­mundur Davíð er að benda á og tel að vilji menn láta reyna á rétt sinn til þess að kalla fram frek­ari gögn og upp­lýs­ingar þá sé mjög hæpið að menn reyni að leggja stein í götu þeirra,“ sagði hann í Krydd­síld Stöðvar 2 á gaml­árs­dag.