Bankasýslan hótaði lögbanni á Arion til að koma í veg fyrir arðgreiðslur

Til umræðu kom að bank­inn greiddi út arð í formi hluta­bréfa sinna í Valitor. Banka­sýsla rík­is­ins taldi að bank­inn gæti farið á mis við millj­arða króna virði eign­ar­hluta síns með arð­greiðsl­unni.

Vildu nota hlutabréf sem arðgreiðslur
Vildu nota hluta­bréf sem arð­greiðslur Hefðu hluta­bréf Arion banka í Valitor verið greidd út sem arður hefði bank­inn farið á mis við millj­arða króna virði hlutar síns í fyr­ir­tæk­inu að mati Banka­sýslu rík­is­ins.

Banka­sýsla rík­is­ins hót­aði því að fara fram á lög­bann á arð­greiðslur til hlut­hafa Arion banka í upp­hafi þessa árs þar eð þær brytu gegn samn­ingi íslenska rík­is­ins við bank­ann og Kaupskil, dótt­ur­fé­lag Kaup­þings. Umræddar arð­greiðslur áttu að vera í formi hluta­bréfa Kaup­þings í dótt­ur­fé­lagi þess, greiðslu­korta­fyr­ir­tæk­inu Valitor Holding. Að mati Banka­sýsl­unnar hefði það getað valdið því að Arion banki væri á mis við 20 til 40 pró­sent af virði eign­ar­hlutar síns í greiðslu­korta­fé­lag­inu ef arður hefði verið greiddur út með hluta­bréfum þess. Þar með hefði bank­inn getað orðið af millj­örðum króna. Íslenska ríkið átti þar til í febr­úar á þessu ári 13 pró­senta hlut í bank­anum.

Frétta­blaðið greinir frá þessu og byggir á minn­is­blaði Banka­sýsl­unnar til fjár­mála- og efna­hags­ráð­herra frá 13. jan­úar. Þar kemur fram að það var mat Banka­sýsl­unnar að fjár­festa­hóp­ur­inn sem keypti um 30 pró­senta hlut í Arion banka í mars í fyrra, sem sam­an­stóð af fjár­fest­ing­ar­bank­anum Goldman Sachs og þremur vog­un­ar­sjóðum, hefði ásætlst Valitor sér­stak­lega og hafi verið áfram um að bank­inn greiddi arð út með þessum hætti, með hluta­bréfum í Valitor.

Það var mat Banka­sýsl­unnar að yrði hlutur Arion banka í Valitor greiddur út sem arður myndi bank­inn fara á mis við um 20 til 40 pró­sent af virði eign­ar­réttar síns á móts við það sem ger­ast myndi ef korta­fé­lagið væri selt í heild og í opnu ferli. Var í því sam­hengi bent á nýlegar sölur á fyr­ir­tækjum í svip­uðum rekstri og að þær hefðu farið þannig fram að félögin hafi verið seld í heilu lagi. Þá var jafn­framt bent á mjög umdeilda sölu Lands­bank­ans á hlut sínum í Borgun árið 2014 sem for­dæmi sem ekki ætti að fylgja.

Banka­sýslan greindi jafn­framt Arion banka frá því að full­trúi hennar í stjórn bank­ans myndi greiða atkvæði gegn söl­unni. Taldi Banka­sýslan sig jafn­framt hafa neit­un­ar­rétt við umræddri til­lögu um arð­greiðslur. Fór svo að fallið var frá umræddum arð­greiðslum enda taldi stjórn bank­ans ekki heppi­legt að fara fram í and­stöðu við vilja íslenskra stjórn­valda í þeim efnum.

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Mest lesið

2
Viðtal

Ef við kveðjum tungu­málið, þá týnum við vídd draumanna

Í sögu íslenskra bók­mennta í þús­und ár er lögð áhersla á raddir inn­flytj­enda, þá sem nú. Höf­und­ur­inn, Halldór Guð­munds­son, öðl­að­ist tveggja heima sýn ungur í Þýska­landi. Að læra lat­ínu frá 10 ára aldri lam­inn af kenn­ara sem skildi hann ekki, í sárum eftir heims­styrj­öld. Seinna spurði hann sig: „Hver má tala?" Í dag segir hann: „Íslend­inga­sögur dags­ins í dag eru að hluta til sagðar af fólki sem hingað hefur flutt."

Mest lesið

Mest lesið í vikunni

5
Innlent

Hætta á að lánin hækki þó íbúða­verð lækki

Már Wolfgang Mixa hag­fræði­pró­fessor segir að stór hluti eigin fjár íbúða­eig­enda gæti þurrkast út á kom­andi mán­uðum. Verð­tryggðar fast­eigna­skuldir hækki í verð­bólgu­tíð sam­hliða því að íbúða­verð gæti lækkað. Hann leggur til að verð­tryggð hús­næð­is­lán fylgi íbúða­verði en ekki vísi­tölu neyslu­verðs. Þá myndu bank­arnir bera hluta áhætt­unnar.

Mest lesið í mánuðinum

3
Viðtal

Íslenskur læknir varpar nýju ljósi á lífs­hættu­legan með­göngu­sjúk­dóm

Nítján ára gömul lá Silja Rut Ragn­ars­dóttir nær dauða en lífi á skurð­ar­borði Land­spít­al­ans eftir alvar­legt til­felli með­göngu­eitr­unar. Íslenskur vís­inda­maður í Banda­ríkj­unum, Jóhann Elí Guð­jóns­son húð­læknir, leiðir braut­ryðj­andi rann­sóknir sem varpa nýju ljósi á hvers vegna sjúk­dóm­ur­inn kemur fram. Hann telur mögu­legt að þróa lyf við sjúk­dómnum sem bjargað gæti manns­lífum.

Mest lesið í mánuðinum

Mest lesið undanfarið ár