Þórólfur Gíslason, kaup­fé­lags­stjóri Kaup­fé­lags Skag­firð­inga, greiddi sér 90 millj­óna arð út úr eign­ar­halds­fé­lagi sínu, Háuhlíð 2 ehf, í fyrra og 60 millj­ónir árið þar á undan. Þetta kemur fram í nýbirtum árs­reikn­ingi félags­ins.  

Eignir og hagnað félags­ins má meðal ann­ars rekja til við­skipta sem Þórólfur stund­aði með hluta­bréf í útgerð Kaup­fé­lags Skag­firð­inga, FISK Seafood, fyrir um tíu árum síðan ásamt þeim Sig­ur­jóni Rúnari Rafns­syni, aðstoð­ar­kaup­fé­lags­stjóra KS, og Jóni Eðvald Frið­riks­syni, for­stjóra FISK Seafood. 

Stundin hefur áður fjallað um við­skiptin. Félagið Fiski­leiðir ehf., sem þre­menn­ing­arnir áttu í gegnum félagið Síðasta dropann ehf, keypti þriggja pró­senta hlut í FISK Seafood fyrir 149 millj­ónir árið 2006. Skömmu eftir það rann Fiskiðja Sauð­ár­króks og FISK-eign­ar­halds­fé­lag saman við FISK Seafood og hluta­bréfin í síð­ast­nefnda félag­inu hækk­uðu í verði þar sem Fiskiðja Sauð­ár­króks átti eignir upp á rúm­lega 6,6 millj­arða króna. Bók­færður hagn­aður við­skipta Fiski­leiða með hluta­bréfin nam rúm­lega 103 millj­ónum króna sam­kvæmt árs­reikn­ingi Fiski­leiða fyrir árið 2006. Það ár greiddi félagið út 75 millj­óna króna arð til hlut­haf­anna þriggja, meðal ann­ars til félags­ins Háu­hlíðar 2. ehf í eigu Þórólfs. Árin 2007 og 2008 tók svo Þórólfur sam­tals 160 millj­óna króna arð út úr Háuhlíð 2. Háahlíð 2 hagn­að­ist um 6 millj­ónir í fyrra og var með eigið fé upp á 151 milljón króna í lok árs­ins. 

Kaup­fé­lag Skag­firð­inga er sam­vinnu­fé­lag í eigu á annað þús­und félags­manna. Þórólfur Gíslason hefur verið æðsti stjórn­andi þess frá 1988.