Samkvæmt nýrri reglugerð dómsmálaráðuneytisins geta hælisleitendur fengið allt að þúsund evra styrk, eða um 125 þúsund krónur, dragi þeir umsóknir sínar til baka og snúi aftur til heimalands síns. Slíkir styrkir eru boðnir hjá flestum aðildarríkjum Evrópusambandsins og eru þeir töluvert hærri hjá hinum Norðurlandaþjóðunum en hér á Íslandi. Reglugerðin er í umsagnarferli á samráðsgátt stjórnvalda og gæti því tekið breytingum áður en hún verður sett.
„Öll nágrannaríki okkar veita þessa styrki og þeir hafa bæði orðið þess valdandi að það er dregið úr kostnaði við brottvísun og stuðlað að frjálsri heimför manna og það hefur verið sóst eftir þessu líka frá hælisleitendum þegar liggur fyrir að þeir fá ekki hæli,“ sagði Sigríður Á. Andersen dómsmálaráðherra í samtali við fréttastofu Stöðvar 2.
Styrkurinn er í boði fyrir þá hælisleitendur sem taka sjálfviljuga ákvörðun um að snúa aftur til síns heimalands. Hafi hælisleitendurnir hins vegar ekki tekið ákvörðunina af sjálfsdáðum …
Athugasemdir