Síðustu mánuði hefur Gauti ásamt Rakel Þórhallsdóttur og Jóhanni Guðlaugssyni unnið hörðum höndum að því að gera upp veitingastaðinn Hagavagninn í Vesturbæ þar sem Gauti segist vilja bjóða fólki í hverfinu upp á „basic burger“. Þeir réttir sem hafa skipað mestan sess í lífi hans væri flesta hægt að kenna við skyndibitastíl.

Mynd: Shutterstock

1
Mömmupitsa

„Fyrsti rétturinn er bara solid mömmupitsa sem mamma gerði frá grunni með engu kjaftæði. Þetta er þessi ferkantaða pitsa með rosalega miklu brauði og venjulegum samlokuosti, og áleggið er bara það sem er til í ísskápnum það kvöld. Hún var í miklu uppáhaldi þegar maður var lítill, en kannski var það líka tengingin við hlýjuna sem fylgdi því að mamma var að elda fyrir mann. Á hverju ári þegar ég á afmæli fæ ég mömmupitsu. Hún býður mér í mat og ég fæ að velja hvað við borðum, en ég vel alltaf pitsuna. Ég …