Miðar tímatalið við fyrir og eftir Ítalíu

„Ég miða tíma­talið þegar kemur að mat við fyrir Ítalíu og eftir Ítalíu. Þá gerð­ist eitt­hvað,“ segir Sig­ur­laug Margrét Jón­as­dóttir dag­skrár­gerð­ar­kona um það sem hefur haft mest áhrif á líf hennar og mat­ar­gerð. 

Sig­ur­laug flutti til Flórens á Ítalíu árið 1991 ásamt manni sínum og tveggja ára syni. „Ég var „bara“ heima­vinn­andi hús­móðir, sem var auð­vitað alveg stór­kost­legt, og ég var alltaf að fylgj­ast með kell­ing­unum sem bjuggu þarna í kring. Ég velti mikið fyrir mér hvað þær væru að gera því þær voru ein­hvern veg­inn alltaf að labba mjög röskum skrefum í sömu átt. Þetta var alltaf fyrir hádegi, þegar þær voru búnar að þrífa glugg­ana og dusta teppin, á meðan ég sat og geispaði. Það end­aði svo með að ég elti þær og þá voru þær auð­vitað bara að fara á mark­að­inn, að kaupa fersk­metið. Þá vakn­aði ég, ítalska hjartað tók yfir hjá mér og ég hef …