Óttarr Proppé, for­maður Bjartrar fram­tíðar, boðar afsögn sína af for­manns­stóli með þeim orðum að þátt­taka flokks­ins í rík­is­stjórn Bjarna Bene­dikts­sonar hafi svipt Bjarta fram­tíð trausti, sem ómögu­legt hafi reynst að end­ur­heimta.

Óttarr gerði upp feril sinn hjá Bjartri fram­tíð í Facebook-hópi flokks­ins rétt í þessu.

„Það er aug­ljóst að þátt­taka í rík­is­stjórn Bjarna Bene­dikts­sonar hafði mikil nei­kvæð áhrif á traust til Bjartrar fram­tíðar. Það var nær ómögu­legt að vekja athygli á mál­efnum og áherslum flokks­ins í aðdrag­anda kosn­ing­anna. Það er miður. Það er auð­velt að vera vitur eftir á. Augljóst er að rót­tæk nafla­skoðun er framundan,“ segir Óttarr í skila­boðum til flokks­manna. 

Meiri­hluti kjós­enda Bjartrar fram­tíðar var óánægður með stjórn­ar­sátt­mál­ann sem und­ir­rit­aður var í jan­úar, eða 54 pró­sent þeirra, sam­kvæmt könnun Gallups. Aðeins 7 pró­sent stuðn­ings­manna Sjálf­stæð­is­flokks­ins voru óánægðir. 

„Ég hóf þátt­töku í stjórn­málum til að gera gagn. Það er hægt að gera á ýmsa vegu. Í þessum kosn­ingum gerði for­mennska mín flokknum ekki gagn. Við slíkar aðstæður gerir það hug­sjónum ógagn að remb­ast eins og rjúpa við staur. Þá er betra að rétta keflið áfram og hjálpa til á annan hátt.“

Óttarr varar við þeim breyt­ingum sem liggja í loft­inu með úrslitum kosn­ing­anna. „Úrslit kosn­ing­anna eru áhyggju­efni og ekki bara fyrir okkar flokk. Það eru grund­vall­ar­breyt­ingar í loft­inu og ekki allar jákvæðar. Gildi og áherslur Bjartrar fram­tíðar skipta máli fyrir sam­fé­lagið.“

Stjórn­ar­sátt­mál­inn und­ir­rit­aðurAðeins 6 pró­sent kjós­enda Bjartrar fram­tíðar voru ánægðir með stjórn­ar­sátt­mál­ann sem gerður var við Sjálf­stæð­is­flokk og Viðreisn.

Mynd: Pressphotos