Ríkisstjórn Bjarna Benediktssonar fallin vegna leyndar í máli barnaníðings

Stjórn Bjartrar fram­tíðar sam­þykkti á fundi sínum í gær­kvöldi að slíta stjórn­ar­sam­starf­inu við Sjálf­stæð­is­flokk­inn og Viðreisn. Tilkynnt var um málið á Facebook-síðu flokks­ins eftir að fundi lauk, en ástæða stjórn­ar­slit­anna er alvar­legur trún­að­ar­brestur innan rík­is­stjórn­ar­innar vegna máls Hjalta Sig­ur­jóns Hauks­sonar. Seinna í nótt sendi þing­flokkur Við­reisnar frá sér yfir­lýs­ingu þar sem kallað er eftir því að boðað verði til kosn­inga sem fyrst. 

Hjalti Sigurjón var dæmdur í fimm og hálfs árs fang­elsi árið 2004 fyrir að hafa brotið gegn stjúp­dóttur sinni nær dag­lega í tólf ár. Stundin greindi frá því þann 25. ágúst síð­ast­lið­inn að Hjalti hefði fengið upp­reist æru, og í gær var stað­fest að Benedikt Sveins­son, faðir Bjarna Bene­dikts­sonar for­sæt­is­ráð­herra, væri einn þeirra sem veitt hefðu Hjalta með­mæli vegna umsóknar hans.

Dóms­mála­ráðu­neytið og þing­menn Sjálf­stæð­is­flokks­ins hafa beitt sér af mik­illi hörku fyrir því að leynd ríki um nöfn umsækj­enda um upp­reist æru, með­mæl­enda þeirra og máls­með­ferð dóms­mála­ráðu­neyt­is­ins. Þetta var gert undir þeim for­merkjum að um við­kvæmar per­sónu­upp­lýs­ingar væri að ræða sem ættu lögum sam­kvæmt að fara leynt.

Engu að síður við­ur­kenndi dóms­mála­ráð­herra, Sigríður Andersen, í gær­kvöldi að hafa greint Bjarna Bene­dikts­syni frá því í sumar að faðir hans hefði veitt Hjalta Sig­ur­jóni með­mæli. Svo virð­ist sem þetta hafi verið drop­inn sem fyllti mæl­inn hjá Bjartri fram­tíð. 

Í yfir­lýs­ingu Við­reisnar, sem send var út um fjög­ur­leytið í nótt, kemur fram að fréttir gær­dags­ins af máls­með­ferð um upp­reist æru hafi vakið sterk við­brögð meðal flokks­manna líkt og í sam­fé­lag­inu öllu. „Vinnu­brögð í málum af þessu tagi verða að stand­ast stranga skoðun þar sem ekk­ert er undan dregið. Það er skylda stjórn­valda gagn­vart almenn­ingi og þolendum þeirra alvar­legu glæpa sem málið varða,“ segir í yfir­lýs­ing­unni.