Ed Negra leggur fjögur bréf á borðið á ver­önd sinni með útsýni yfir skóg í aust­ur­hluta Penn­syl­vaníu. Öll eru þau frá fram­kvæmd­ar­að­ila sem lofar hverju heim­ili ávísun upp á 10.000 doll­ara, eða um 1,2 millj­ónir króna, þegar gagna­ver hans hefur tekið til starfa.

„Ég kalla þetta mútur,“ segir Negra, banda­rískur eft­ir­launa­maður.

Umhverfið er eins og af póst­korti. Haust­lauf taka á sig rauð­brúnan lit og fjalla­sýnin er stór­brotin í þessum hluta Penn­syl­vaníu, eins af lyk­il­ríkj­unum í kosn­ing­unum sem fram undan eru í Banda­ríkj­unum um mitt kjör­tíma­bil for­seta.

„Okkur fannst þetta fal­legur staður til að eyða eft­ir­launa­ár­unum,“ segir Negra, sem er á átt­ræð­is­aldri. Áður stýrði hann stórri bygg­inga­vöru­verslun í nágranna­rík­inu New Jersey.

Hann og eig­in­kona hans sett­ust að í víð­áttu­miklu, afgirtu íbúða­hverfi þar sem gæsla er allan sól­ar­hring­inn.

Í Eagle Rock Resort í Hazle Township standa hund­ruð þægi­legra húsa á víð og dreif í skóg­inum. …