Dagmar Linda Steinbergsdóttir, félagssálfræðingur og stjórnmálafræðingur, kynnti niðurstöður úr BA-rannsókn sinni sem benda til þess að afstaða Íslendinga til Evrópusambandsins ráðist ekki einungis af hagsmunamati, heldur af gildum og þjóðerniskennd.

Hún segist vona að rannsóknir af þessu tagi geti mýkt umræðuna um ESB-aðild. „Mér finnst mikilvægt að skilja af hverju fólk hefur þær skoðanir sem það hefur, sérstaklega í svona pólaríseruðum málum, það getur hjálpað okkur að sýna báðum hliðum meiri skilning.“

Dr. Hulda Þórisdóttir, sem leiðbeindi Dagmar við ritgerðina, veitir innsýn í lýðfræðileg einkenni já- og nei-fylkinga. 

Gildum sem fylgir andstaða við breytingar

Dagmar Linda Steinbergsdóttir, félagssálfræðingur sem lauk nýverið námi í stjórnmálafræði, kynnti nýverið niðurstöður BA-rannsóknar sinnar en hún er titluð: „Tengsl persónulegra gilda við afstöðu til inngöngu Íslands í Evrópusambandið“. Í rannsókn sinni greindi Dagmar gögn úr European Social Survey, þar sem gildi fólks eru mæld samhliða afstöðu þess til Evrópusambandsins.

„Fólk sem er á móti …