Að minnsta kosti ein milljón kvenna og stúlkna hefur misst aðgang að mikilvægri mannúðaraðstoð frá kvennasamtökum síðan í janúar 2025. Þetta kemur fram í nýrri skýrslu UN Women. Um 120 milljónir kvenna og stúlkna um allan heim þurfa á mannúðaraðstoð og vernd að halda og hafa 84 prósent af kvennasamtökum séð að aukin þörf er á þjónustu þeirra. Samkvæmt skýrslunni segja þó níutíu prósent samtakanna að þau hafi ekki getu til að mæta þjónustuþörfinni. Tvö af fimm samtökum búast við því að þurfa að hætta starfsemi sinni tímabundið eða varanlega innan árs.

Skýrslan skoðar þolmörk er varða niðurskurð fjárveitinga til samtaka sem sinna konum og stúlkum. Hún byggir á svörum frá 855 samtökum sem stýrt er af konum sem og kvenréttindasamtökum á krísu- og átakasvæðum í 52 löndum.

„Kvennasamtökin sem eiga í hættu á að verða lokað eru í fremstu víglínu alvarlegustu mannúðarkreppu heims,“ segir Sofia Calltorp, yfirmaður mannúðarstarfs …