Sýnir sjálfan sig kýla Pétur

Guð­mundur Ingi Þór­odds­son, sem leiðir lista Flokks fólks­ins í Reykja­vík eftir að hafa verið hafnað í próf­kjöri Sam­fylk­ing­ar­innar sem Pétur Mart­eins­son vann, hefur gefið út gervi­greind­ar­mynd­band þar sem hann lemur á Pétri og sakar Sam­fylk­ing­una um lof­orða­svik.

„Samfó seg­ist hafa plan,“ segir í lag­inu. 

Í mynd­band­inu er leikið lag með hjálp gervi­greindar, þar sem sungið er um „enda­laus lof­orð, engu breytt.“

„Ráðhúsið í „slow motion“, sama vælið, „same old show“

Þá beinir Guð­mundur Ingi, sem er fyrr­ver­andi fangi og for­maður hags­muna­fé­lags fanga, spjótum sínum að Ara Edwald, odd­vita Mið­flokks­ins. „Uppreist æra fyrir Ara.“

Í lag­inu er á móti farið mjúkum höndum um Guðmund Inga sjálfan.

„Hugsar um meira en sjálfan sig. Hann er glæsi­legur, glimmr­andi.“

Þá segir að Flokkur fólks­ins sé „fokk­ing sexý“.

Einn þeirra sem gagn­rýnt hafa mynd­bandið eru Björn Leví Gunn­ars­son, fyrr­ver­andi þing­maður Pírata, sem spyr á Facebook: „Hvað í fjand­anum er að ger­ast í þess­ari póli­tík nú orðið?“ 

Þá segir Björn að ofbeld­is­hluti mynd­bands­ins, sem virð­ist vera til­vísun í mynd­band Mið­flokks­ins í Mos­fellsbæ, þar sem fram­bjóð­andi „kýlir libba“, eða frjáls­lynda mann­eskju, sé „klárt rautt spjald“. „Út af með mann­inn,“ segir Björn.

„Það voru bara aðilar úti í bæ sem sendu þetta á mig og ég birti á minni per­sónu­legu TikTok-síðu,“ útskýrir Guð­mundur Ingi Þór­odds­son, odd­viti Flokks fólks­ins, þegar hann er spurður út í mynd­band þar sem hann sést meðal ann­ars ráð­ast á Pétur Mart­eins­son, odd­vita Sam­fylk­ing­ar­innar. 

„Ég er búinn að fjar­lægja mynd­bandið,“ segir Guð­mundur Ingi sem áréttar að það hafi ekki verið fram­leitt af fram­boði Flokks fólks­ins. Spurður um álit sitt á mynd­band­inu segir hann mark­miðið hafa aug­ljós­lega að gera eitt­hvað fyndið og skemmti­legt. „Uppi­staðan þarna er dans og söngur,“ segir Guð­mundur Ingi.

Uppfært með við­brögðum Guð­mundar Inga.