Síðustu vikur hefur verið greint frá miklu landrofi í Reynisfjöru sem hefur tekið miklum útlitsbreytingum í vetur. Mikið magn af sandi hefur skolað burt og ströndin er nú þéttsetin grjóti. Þá hefur hrunið talsvert úr hlíðum Reynisfjalls niður á ströndina fyrir neðan.

Sjórinn hefur fært sig talsvert lengra inn í land og er kominn alveg upp að stuðlaberginu sem áður var algengt að ferðafólk klifraði í. Þá er engin leið lengur að komast inn í Hálsanefshelli sem er þar fyrir innan. 

Sjórinn, sem er þekktur fyrir sterkar öldur á svæðinu, hefur verið að leita hátt upp í land, jafnvel upp að útsýnispallinum og skiltunum. Útsýnispallurinn er nú víða brotinn en viðvörunarskiltin hafa verið fjarlægð. Í gær var ófært niður í fjöruna.

Hættan fyrir ferðamenn virðist síst hafa minnkað og urðu nokkrir þeirra fyrir volki á meðan ljósmyndari Heimildarinnar var á svæðinu um helgina.

Sigurður Sigurðarson, strandverkfræðingur hjá Vegagerðinni, skýrði …