Fyrr í vetur var sveit Alis að setja á loft dróna á víglínunni í Úkraínu í miklu frosti, þegar myndavélin fraus skyndilega. Það kom í veg fyrir að þeir gætu greint stöðuna og brugðist við yfirvofandi árás Rússa.

Hitastigið á um 1.200 kílómetra langri víglínunni hefur aldrei farið jafn lágt, frá því stríð Rússlands og Úkraínu hófst fyrir fjórum árum. Kuldanum fylgja aukin vandkvæði við notkun rafhlöðuknúinna dróna, sem gegna lykilhlutverki í hernaðaraðgerðum beggja fylkinga.

„Áhrifin á drónana okkar eru mjög neikvæð,“ sagði Ali, sem bað AFP um að nota kallmerki sitt, í samræmi við reglur hersins. „Rafhlöður tæmast hraðar, myndavélarnar og vírarnir frjósa, þeir ísa bara.“

Bæði rússneski og úkraínski herinn eru farnir að nota einfalda dróna í gríð og erg. Litlir könnunardrónar kanna stöðu óvinarins og geta varpað handsprengjum á skotmörk og hermenn, og greina jafnvel minnstu hreyfingu á jörðu niðri, á meðan aðrir eru hlaðnir sprengiefni og …