Heilbrigðiseftirlitið gerði verulegar athugasemdir við framleiðslueldhúsið

Úttektir Heil­brigð­is­eft­ir­lits Reykja­víkur á fram­leiðslu­eld­húsi vel­ferð­ar­sviðs á Vita­torgi leiddu í ljós veru­lega ann­marka á bæði hús­næði og verk­lagi sem gera rekst­ur­inn ósam­rým­an­legan kröfum um mat­væla­ör­yggi. Þetta kemur fram í gögnum Reykja­vík­ur­borgar.

Málið var til umfjöll­unar í borg­ar­ráði síð­ast­lið­inn fimmtu­dag en lister­íu­bakt­ería fannst við reglu­bundna sýna­töku í eld­hús­inu nýlega og til­kynnti Reykja­vík­ur­borg í gær, mánu­dag, að því hefði verið lokað. Staðan í eld­hús­inu hafði áður verið rædd á fundum vel­ferð­ar­ráðs í júní og des­em­ber, en trún­aður var um þá umfjöllun. 

Eldhúsið þjónar við­kvæmum hópum, meðal ann­ars öldruðum og fólki sem fær heimsendan mat, og þarf því að upp­fylla strangar kröfur um innra eft­ir­lit sam­kvæmt HACCP-kerfi í flokki III. Samkvæmt nið­ur­stöðum heil­brigð­is­eft­ir­lits­ins hefur ekki verið hægt að koma á full­nægj­andi örygg­is­ferlum vegna þrengsla og óhag­stæðrar upp­setn­ingar rýma.

Vara­borg­ar­full­trú­inn Helgi Áss Grét­ars­son vekur athygli á þessum gögnum í aðsendri grein á Vísi. Þar segir hann það „ekki eins og þruma úr heið­skíru lofti“ að eld­hús­inu hafi verið lokað, og vísar til umfjöll­unar á vett­vangi borg­ar­innar. Kennir hann for­gangs­röðun meiri­hluta borg­ar­stjórnar að ekki hafi verið búið að flytja eld­húsið, eins og til hefur staðið. 

Staðan metin alvarleg í febrúar 2025

Í grein­ar­gerð sem var til umfjöll­unar í borg­ar­ráði er staðan í eld­hús­inu rakin. Þar segir að skipu­lag vinnsl­unnar í eld­hús­inu sé talið sér­stak­lega vara­samt. Flæði hrá­efna, vinnslu og til­bú­inna mál­tíða skar­ast, þannig að ekki er hægt að halda aðskiln­aði milli „hreinna“ og „óhreinna“ svæða.

Slík krossun eykur hættu á mengun og þýðir að ekki er hægt að tryggja öryggi mat­væla með þeim hætti sem reglur kveða á um. Af þeim sökum telur eft­ir­litið að ekki sé hægt að ábyrgj­ast öryggi neyt­enda meðan starf­semin er óbreytt.

Í eft­ir­lits­ferð í febr­úar 2025 var staðan metin alvar­leg og hús­næðið sjálft talið óvið­un­andi til mat­væla­fram­leiðslu. Í kjöl­farið var aðeins veitt tíma­bundið starfs­leyfi til sex mán­aða. Síðar var veitt nýtt, níu mán­aða leyfi með skýru skil­yrði um lág­mark­s­við­hald til bráða­birgða og að unnið yrði að var­an­legri lausn.

Eft­ir­litið tók jafn­framt fram að ekki yrði veitt frekara leyfi fyrir áfram­hald­andi starf­semi í óbreyttu hús­næði, sem jafn­gildir því að núver­andi fyr­ir­komu­lag sé ekki talið ásætt­an­legt til lengri tíma.