Erfðagreining hefur staðfest að eldislaxar hafa veiðst í sex laxveiðiám allt frá Reykjadalsá í Borgarfirði yfir í Blöndu í Austur-Húnavatnssýslu.
Eftir slysasleppingu laxa í Dýrafirði í ágúst vaknaði grunur um að fjöldi eldislaxa hefðu veiðst í Haukadalsá inn af Hvammsfirði, skammt frá Búðardal. Í ljós hafði komið að gat var á sjókví Arctic Sea Farm „í nokkurn tíma án þess að framleiðandi hafi tilkynnt um tilvist þess til Matvælastofnunar“. Var málið litið „alvarlegum augum“.
Nú hefur rannsókn leitt í ljós að eldislax fannst í Haukadalsá, Hrútafjarðará, Blöndu, Miðfjarðará, Vatnsdalsá og Reykjadalsá í Borgarfirði. Að auki er einn lax sem veiddist í byrjun október í Ytri-Rangá á Suðurlandi, í upprunagreiningu.
Ekkert sjókvíaeldi er í þeim landshlutum þar sem laxveiðiárnar renna til sjávar og er því ljóst að eldislaxinn hefur ferðast langa leið.

Veistu meira? Láttu okkur vita
Það tókst ekki að sækja formið. Reyndu aftur eftir augnablik.


















































Athugasemdir