Líkur á því að AMOC-hafstraumurinn hrynji hafa aukist og getur ekki lengur talist „ólíklegur atburður.“ Þetta kemur fram í nýrri rannsókn sem birtist í Environmental Research Letter í gær.
Nýlega bentu loftslagslíkön til þess að hrun AMOC-hafstraumsins, veltihringrásar Atlantshafsins sem Golfstraumurinn er hluti af, fyrir árið 2100 væri ólíklegt. Breyting er nú á en rannsóknin sem birtist í gær skoðaði líkön sem voru keyrð lengur, til áranna 2300 og 2500.
Greiningin sýndi að við munum fara yfir þann þröskuld eða vendipunkt sem segir til um að hrun AMOC verði óumflýjanlegt innan fárra áratuga. Hrunið sjálft gæti síðan átt sér stað fimmtíu til hundrað árum eftir að við förum yfir þröskuldinn.
25 prósent líkur í bestu sviðsmyndinni
Niðurstöður sýndu að ef kolefnislosun héldi áfram að aukast, leiddu sjötíu prósent líkananna sem keyrð voru til hruns á AMOC. Ef miðað var við meðallosun spáðu 37 prósent líkana hruni. Þegar líkönin voru keyrð …
En Hafrannsóknarstofnun þarf að rannsaka hafið betur en vantar fjármagn. Stjórnvöld þurfa að gera eitthvað í því.
Það gerist galdur í hafinu þegar heitur og saltur sjór sekkur í norðurhluta Atlantshafs og er drifkraftur AMOC.
Þetta ferli dælir súrefni í djúphafið og tryggir stöðugt uppstreymi næringarefna annars staðar.
Þessi næring viðheldur frumframleiðslu, sem er grunnurinn að lífríki og fiskstofnum í Norður-Atlantshafi.
Án AMOC yrði minna súrefni í djúphafi, minni næring á yfirborði, og stórskaði fyrir fiskistofna og vistkerfi. Skildi 4,8% samdráttur í fiskveiðheimildum mega skrifa á 15% hægingu AMOC frá stríðslokum?