Mengunarþoka frá gosinu liggur yfir landinu

Meng­un­ar­þoka hefur legið yfir stórum hluta lands­ins frá því að nýtt eld­gos hófst á Reykja­nesskaga síð­ast­lið­inn mið­viku­dag. Sér­fræð­ingar hjá Umhverfis- og orku­stofnun Íslands segja að hægur vindur, þoku­móða og mistur sé meg­in­or­sök þess að brenni­steins­ríkur gosmökk­ur­inn hafi legið sem ský yfir suð­vest­ur­hluta lands­ins. Umhverf­is­stofnun gaf fyrr í dag út rauða loft­gæða­við­vörun fyrir höf­uð­borg­ar­svæðið og nágrenni, sem er hæsta stig við­bún­aðar. Með deg­inum hefur þó létt aðeins á móð­unni. 

„Það er alger móða yfir stórum hluta lands­ins,“ sagði Hlynur Árnason, sér­fræð­ingur hjá Umhverfis- og orku­stofnun. „Venju­lega er mik­ill vindur sem flytur meng­un­ina frá, en núna er nán­ast logn. Mengunin hangir kyrr yfir land­inu.“

Mengunin stafar að mestu leyti af brenni­steins­dí­oxíði sem gýs úr gíg­unum, en það umbreyt­ist í and­rúms­lofti í súlfatagnir sem mynda svo­kall­aða gosmóðu eða „blá­móðu“. Þó að efnið sé ekki talið eitrað við núver­andi styrk, getur það verið mjög ert­andi fyrir önd­un­ar­færi, sér­stak­lega hjá börnum, eldra fólki …