„Það er meðbyr í rekstri verslana og vöruhúsa á Íslandi,“ segir Finnur Oddsson, forstjóri Haga, sem reka meðal annars verslanir Bónus, Hagkaupa og Olís, í fjárfestakynningu eftir góðan fyrsta ársfjórðung.

Það sem Finnur lýsir sem meðbyr er stórbætt rekstrarafkoma. Seldum stykkjum fjölgaði um 1%, en tekjur hækkuðu um 9,2%. Framlegðin eykst verulega á milli ára, eða um 22%, og fer úr 9,5 milljörðum í 11,6 milljarða, sem leiðir á endanum af sér 4 milljarða króna hagnað á fyrsta fjórðungi, úr 3,2 milljarða hagnaði á sama tímabili í fyrra.

Matvælaverð á Íslandi hefur hækkað um 6% síðustu tólf mánuði, sem nokkuð umfram almenna verðbólgu, sem hefur verið 4,2%. Hækkun matarverðs er því hluti af því sem orsakar háa vexti á húsnæðislánum og hækkandi höfuðstól verðtryggðra lána.

Afkoma Haga litast að einhverju leyti af innkomu færeysku SMS-verslanakeðjunni í samstæðu Haga og umtalsverðri lækkun olíuverðs á milli ára.

Í fyrra skiluðu Hagar …