Fyrirhugaðar breytingar á stjórn landamæra á Keflavíkurflugvelli bíða lagabreytinga og munu ekki fara fram á setningartímabili núverandi lögreglustjóra. Þetta segir Margrét Kristín Pálsdóttir, settur lögreglustjóri á Suðurnesjum, og vill halda áfram því góða starfi sem er unnið hjá embættinu.

Margrét Kristín Pálsdóttir

Mynd: Stjórnarráðið

Þorbjörg Sigríður Gunnlaugsdóttir setti Margréti sem lögreglustjóra eftir að Úlfar Lúðvíksson lét af embætti eftir fund með ráðherra. Ráðherra hafði tilkynnt honum að staða hans yrði auglýst í haust vegna fyrirhugaðra breytinga á verkefnum og landamærapólitík og samningur hans ekki endurnýjaður. Úlfar baðst lausnar á staðnum.

„Þessar boðuðu breytingar þarfnast flestallar lagabreytinga,“ segir Margrét og bætir því við að Alþingi ákveði pólitískar breytingar á embættinu. „Eins og ráðherra hefur upplýst mig og mitt embætti um eru þessar breytingar þannig staddar að það verður stefnt að lagafrumvarpi núna í haust. Þannig að ég á erfitt með að sjá að það gerist á mínu setningartímabili. En þetta mun …