Streymi

Stefnuræða forsætisráðherra og afmælisdagskrá

Kristrún Frostadóttir flytur stefnuræðu sína á landsfundinum í dag. Þá taka við pallborðsumræður um öryggis- og varnarmál.

12. apríl 2025 · 13:00

Erla Hlynsdóttir

erlahlyns@heimildin.is

Landsfundur Samfylkingarinnar hófst í gær og heldur áfram í dag með hátíðardagskrá í tilefni af 25 ára afmæli Samfylkingarinnar. Dagskráin er í beinu streymi og má nálgast hér að ofan. Áætlað er að henni ljúki um klukkan 16.

Kristrún Frostadóttir forsætisráðherra hlaut 98,7 prósent atkvæða í endurkjöri til formanns Samfylkingarinnar á landsfundinu í gær en hún var ein í framboði til embættisins. Hún flytur stefnuræðu sína klukkan 13.35 í dag.

Kristrún ávarpaði fundinn eftir kjörið í gær og þakkaði flokksfólki traustið. „Það er heiður að fá að leiða Samfylkinguna áfram og ég er ótrúlega þakklát fyrir endurnýjað umboð. Ég gæti þetta ekki án ykkar og ég mun leggja mig alla fram hér eftir sem hingað til,“ sagði hún.

Þá lofaði Kristrún að hún yrði ekki fjarlæg og að hún myndi ekki missa tenginguna við fólkið í flokknum og landinu. „Samfylkingin er komin á réttan stað núna. Ég held við finnum það öll. Þetta er mjög náttúrulegt. Hér eigum við að vera, í forystustjórn landsmálanna.“

Dagskrá laugardaginn 12. apríl

13:30 Opin dagskrá í beinu streymi - Fundarstjóri: Katrín Júlíusdóttir

13:35 Stefnuræða formanns - Kristrún Frostadóttir

14:10 Pallborð - Öryggis- og varnarmál - Kristrún Frostadóttir, Ingibjörg Sólrún Gísladóttir, Víðir Reynisson og Guðmundur Árni Stefánsson. Umræðum stýrir Þórður Snær Júlíuson

14:50 25 ára afmæliskaffi

15:10 Hátíðarávarp - Finnbjörn A. Hermannsson, forseti ASÍ

15:20 Hátíðarávarp - Sigríður Margrét Oddsdóttir, framkvæmdastjóri SA

15:30 Sófaspjall með ráðherrum - Fyrstu 100 dagar ríkisstjórnarinnar. Umræðum stýrir Þórður Snær Júlíusson

16:10 Fyrrum formönnun Samfylkingarinnar veittur virðingarvottur og þakkir fyrir störf í þágu jafnaðarmanna á Íslandi

16:30 Fundi slitið

Ályktun landsfundar Samfylkingar:

Verkstjórn Samfylkingar í þágu þjóðar

Samfylkingin – jafnaðarflokkur Íslands leiðir nú ríkisstjórn sem gengur samhent til verka í þjónustu við fólkið í landinu. Ríkisstjórn Kristrúnar Frostadóttur hefur sýnt strax á fyrstu mánuðunum að hún er verkstjórn, ekki setustjórn, sem vinnur og virkar fyrir venjulegt fólk í daglegu lífi.

Samfylkingin lagði fram plan fyrir síðustu kosningar til þess að mæta þjóðinni í þeim málum sem mestu skipta. Plan um efnahagslegan stöðugleika og bráðaaðgerðir í

húsnæðismálum. Plan um örugg skref til þess að leysa áskoranir í velferðarmálum. Plan um að rjúfa kyrrstöðu í samgöngu-, orku- og atvinnumálum. Plan um að takast á við stærstu úrlausnarefni samfélagsins sem legið hafa óhreyfð árum saman.

Nú erum við að framkvæma þetta plan. Á aðeins 100 dögum hefur ríkisstjórnin kynnt aðgerðir og lagt fram frumvörp sem fela í sér bráðaaðgerðir í húsnæðismálum, þjóðarátak í umönnun eldra fólks, bindingu lífeyrisgreiðslna við launavísitölu, bætt kjör

öryrkja, styrkingu fæðingarorlofslöggjafar, leiðrétt veiðigjöld, aukna festu í ríkisfjármálum og stóraukin framlög til vegabóta og heilbrigðisþjónustu. Um leið hefur ríkisstjórnin gert

tímamótasamning við sveitarfélög um uppbyggingu hjúkrunarheimila og þjónustu við börn með fjölþættan vanda. Ríkisstjórn Kristrúnar Frostadóttur hefur sýnt að hún gengur

hreint til verks og er óhrædd við að hrista upp í hlutunum. En verkefnið er rétt að byrja.

Landsfundur Samfylkingarinnar leggur áherslu á að ríkisstjórn Kristrúnar Frostadóttur haldi ótrauð áfram að jafna aðstöðu fólks eftir tekjum og búsetu. Við þurfum að tryggja öryggi og varnir landsins. Við þurfum að vinna markvisst á mörg hundruð milljarða króna innviðaskuld sem safnast hefur upp vegna aðgerðarleysis fyrri ríkisstjórna. Við þurfum að skapa skilyrði til kraftmikillar verðmætasköpunar um allt land og tryggja þjóðinni sanngjarnan hlut í arðinum af auðlindunum sem við eigum saman. Þannig sköpum við sátt í samfélaginu og treystum stoðir velferðarþjóðfélags á Íslandi.

Að ári eru sveitarstjórnarkosningar í landinu og í þeim kosningum er mikilvægt að sjónarmið jafnaðarfólks fái gott brautargengi. Til þess eru öll efni og hvetur Landsfundurinn forystu og grasrót til að vinna vel að undirbúningi og leggja drög að góðum sigri að ári.

Staða alþjóðamála hefur raskast og óvissa er nú til staðar í öryggis- og varnarmálum og efnahagskerfum heimsins. Við þær aðstæður þarf að standa vörð um öryggi og frið, efla samstöðu með lýðræðisríkjum Evrópu og styðja við alþjóðlegt samstarf.

Samfylkingin leggur áherslu á að Ísland beiti sér fyrir jöfnuði og mannréttindum um allan heim og sé ávallt málsvari friðar, mannúðar, jafnréttis og lýðræðis. Samfylkingin stendur með sjálfsákvörðunarrétti kúgaðra þjóða. Alþjóðalög skulu virt í hvívetna til að tryggja frið.

Samfylkingin, öflugur og samhentur flokkur jafnaðarfólks, mun hér sem hingað til standa vörð um grunngildi jafnaðarstefnunnar, frelsið, jafnréttið og samstöðu hvert með öðru.

Ályktun landsfundar Samfylkingar í Grafarvogi, 11. – 12. apríl 2025

Kjósa

Hvernig finnst þér þessi grein? Skráðu þig inn til að kjósa.

Deila

Athugasemdir

Skráðu þig inn til að skrifa athugasemd eða kjósa.

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið

Fólkið í borginni

Hef alltaf vitað að ég er öðruvísi

Krummi Smári Ingiríðarson hefur alltaf vitað að hann er hann. Hann ólst upp í Þýskalandi á 7. og 8. áratugnum og gekk í gegnum þung áföll. „En hér er ég í dag. Hamingjusamur.“

Greining

Forðast ólgu svo það sé áfram gaman í Samfylkingunni

Samfylkingarfólki hefur tekist að halda aftur af ólgu og uppgjöri innan eigin raða því flokksfélagar vilja öðru fremur að flokkurinn viðhaldi góðu gengi. Fyrrverandi ráðherra líkir tökum Kristrúnar Frostadóttur á stjórn flokksins við stöðu Davíðs Oddssonar á síðustu öld. Flokksmenn eru þó missáttir við stöðu Dags B. Eggertssonar, fyrrverandi borgarstjóra.

Leiðari

Aðalsteinn Kjartansson

Hvað með blessaðan þorskinn?

Tveir öflugir athafnamenn deildu með þjóðinni ólíkri sýn á hvað séu sanngjörn gjöld fyrir aðgang að auðlindum í hafinu í kringum Ísland nýverið. Öðrum þykir óboðlegt að greiða í samræmi við raunverð afurða á meðan hinn telur sanngjarnt að greiða helming rekstrarhagnaðar.

Pistill

Bergþóra Snæbjörnsdóttir

Ættarmótið

Nú er tíðin önnur og að segjast vilja halda landinu hvítu er orðið jafnlítið mál og að segjast vilja kaffið sitt hvítt. Það er ekki orðað nákvæmlega svona en fólk segir kannski: Ég vil bara ekki þessa menningu hingað.

Það sem ég hef lært

Miriam Petra Ómarsdóttir Awad

Fegurð ófullkomleikans

Miriam Petra Ómarsdóttir Awad inngildingaráðgjafi veltir fyrir sér kröfunni um fullkomleika í ófullkomnum heimi. Hún telur að ekkert sé fullkomið í jarðlegu lífi mannsfólks nema fallegar tilfinningar.

Spottið

Gunnar Karlsson

Spottið 11. apríl 2025

Mest lesið

Mest lesið í vikunni

ÚttektKonur til valda

Tóku ekki í hönd hennar því hún var kvenprestur

Guðrún Karls Helgudóttir, biskup Íslands, segist búa að því að önnur kona hafi rutt brautina á undan henni. Hún þekki þó vel mismunandi viðmót fólks gagnvart kven- og karlprestum. Þegar hún vígðist í Svíþjóð hélt stór hópur því fram að prestvígsla kvenna væri lygi.

Fréttir

Íslendingar vísa trans konu á flótta frá Bandaríkjunum úr landi

Kona sem er á flótta frá Bandaríkjunum með son sinn sótti um alþjóðlega vernd á Íslandi. Fyrir Útlendingastofnun lýsti hún því hvernig hatur hafi farið vaxandi þar í landi gagnvart konum eins og henni – trans konum – samhliða aðgerðum stjórnvalda gegn trans fólki. Sjálf hafi hún orðið fyrir aðkasti og ógnunum. „Með hverjum deginum varð þetta verra og óhugnanlega.“

Pistill

Sif Sigmarsdóttir

Sultugerðarmenn, varið ykkur

Sif Sigmarsdóttir segir að stærsti skaðinn sem yfirstandandi þjófnaðaralda í Bretlandi valdi sé ekki fjárhagslegur heldur sé það sú eyðilegging sem stuldur fyrir allra augum veldur grunnstoð samfélagsins: Trú á leikreglur þess, skráðar og óskráðar.

Fólkið í borginni

Hef alltaf vitað að ég er öðruvísi

Krummi Smári Ingiríðarson hefur alltaf vitað að hann er hann. Hann ólst upp í Þýskalandi á 7. og 8. áratugnum og gekk í gegnum þung áföll. „En hér er ég í dag. Hamingjusamur.“

GagnrýniÞetta er Laddi

Hvorki fugl né flugvél

Hvernig á leikhús að geta fjárfest í ögrandi og listrænum sýningum þegar meirihluti rekstrarfjárins verður að koma frá miðasölunni? Þetta er Laddi er enn önnur leiksýningin í Borgarleikhúsinu sem á að hala inn í kassann á baki nostalgíunnar.

Aðsent

Indriði Þorláksson

Veiðigjöldin og landsbyggðin

Engin vitræn rök eru fyrir því að hækkun veiðigjaldsins leiði til þessara hamfara, skrifar Indriði Þorláksson um málflutning Samtaka fyrirtækja í sjávarútvegi vegna fyrirhugaðrar breytingar á útreikningi veiðigjalda. „Að sumu leyti minnir þessi púkablísturherferð á ástandið vestanhafs þar sem falsupplýsingum er dreift til að kæfa vitræna umræðu,“ skrifar hann.

Mest lesið í mánuðinum

Fréttir

Sökuð um að hrella minnst níu einstaklinga: „Hann er minn !“

Níu einstaklingar telja sig hafa orðið fyrir barðinu á sama eltihrellinum, 37 ára gamalli konu sem er búsett í Reykjanesbæ.

Viðtal

Breytt fæði breytti líðaninni

Kristjana Pálsdóttir og Sigurður Pétur Harðarson ákváðu í vetur að gera breytingar á mataræði sínu en þau áttu bæði við kvilla að stríða eins og háan blóðþrýsting, svefnvanda, voru of þung og fleira mætti telja. Árangurinn hefur ekki látið á sér standa.

Fréttir

Beðið eftir að Íris undirriti nálgunarbann

Íris Helga Jónatansdóttir hefur verið boðið að gangast undir nálgunarbann gagnvart einum manni. Vinur hennar var handtekinn grunaður um að hafa tekið þátt í umsáturseinelti. Gögn benda til þess að hann hafi verið blekktur.

Rannsókn

Sælukot hagnast um tugi milljóna en starfsfólk og foreldrar lýsa skorti

Einkarekni leikskólinn Sælukot, sem hefur fengið milljarð króna í opinber framlög síðasta áratug, hefur hagnast vel og nýtt peningana til að kaupa fasteignir fyrir stjórnarformanninn. Stjórnendur leikskólans segja markmiðið vera að ávaxta rekstrarafgang, en fyrrverandi starfsmenn og foreldrar nemenda kvarta undan langvarandi skorti. Skólanum var nýlega lokað tímabundið vegna óþrifnaðar og meindýra.

Úttekt

Endurreisn eitraðrar karlmennsku

„Mannhvelið“ og uppgangur hægri öfgastefnu ganga hönd í hönd og breyta heiminum í gegnum einn dreng í einu.

Fréttir

Hollt mataræði lykilatriði að góðri heilsu

Axel F. Sigurðsson, sérfræðingur í hjartalækningum, hefur skoðað tengsl fæðu og lífsstíls við sjúkdóma, einkum hjarta- og æðasjúkdóma. Talað hefur verið um að lífsstílssjúkdómar séu stærsta ógnin við heilsu fólks og heilbrigðiskerfi til næstu áratuga. Axel segir að fólk geti breytt miklu með hollu mataræði og hreyfingu. Félagsleg tengsl séu líka mikilvæg. Hann ráðleggur hreina fæðu til að sporna við kvillum.