Fjár­mála­mark­aðir eru að ná jafn­vægi eftir mikla dýfu í kringum helg­ina þegar 9,5 trilljónir doll­ara töp­uð­ust á örfáum dögum á hluta­bréfa­mark­aði. Fyrir þá upp­hæð væri hægt að reka íslenska ríkið í um 6 ár, svo það sé sett í ein­hvers konar sam­hengi.

Spáð er að olía muni lækka skarpt á næstu mán­uðum og svart­sýn­ustu spár telja að hún endi í kringum 40 doll­ara að því gefnu að tolla­stríð Donald Trump bíti fast í efna­hags­kerfi heims­ins. Þetta eru sér­stak­lega vondar fréttir fyrir Rússa sem sjá fram á mik­inn tekju­missi gangi spár eftir.

Kín­verjar virð­ast ætla í hart við banda­rísk stjórn­völd og hækka tolla á móti, en for­seti Banda­ríkj­anna hefur hótað öllu illu geri þeir það. Hann hefur gefið þeim frest til dags­ins í dag, þriðju­dag, til þess að hætta við þær áætl­anir, ann­ars munu banda­rísk stjórn­völd ekki funda með rík­inu á þeim fundum sem eru á dag­skrá, auk þess sem Banda­ríkin …