Flest þeirra sem leita til Stíga­móta verða fyrir kyn­ferð­is­of­beldi í fyrsta skipti fyrir 18 ára aldur. Í ljósi þessa var farið af stað með fræðslu- og for­varn­ar­verk­efnið Sjúk ást árið 2018. Mark­miðið er að ná til ungs fólks, veita því fræðslu um heil­brigði í sam­böndum og útskýra hvað telst vera óheil­brigt og ofbeldi.

Græn og rauð flögg

„Við erum að reyna að skerpa á hvað er heil­brigt sam­band, óheil­brigt og hvenær við erum komin yfir í ofbeld­is­sam­band,“ útskýrir Svandís Anna Sig­urð­ar­dóttir, sem er verk­efna­stýra fræðslu og for­varna hjá Stíga­mótum. Í ár er það gert með því að fá ung­menni til að spila Sjúk flögg umræðu­spilið. Það gengur út á að ræða full­yrð­ingar sem standa á spil­unum og kom­ast að því hvort þær séu grænar eða rauðar. 

Þær stað­hæf­ingar sem eru heil­brigðar flokk­ast sem græn flögg. Dæmi um grænt flagg er til dæmis þegar sagt er við maka: „Ég vil að …