Karl­maður á Aust­ur­landi var 9. jan­úar dæmdur í skil­orðs­bundið fang­elsi eftir að hafa játað að hafa ógnað lífi, heilsu og vel­ferð fyrr­ver­andi sam­býl­is­konu sinnar, „end­ur­tekið og á alvar­legan hátt“, eins og það var orðað í ákæru. Játn­ingin varð til refsi­lækk­unar og hlaut hann níu mán­aða fang­elsi, en fulln­ustu refs­ingar var frestað og fellur niður að tveimur árum liðnum haldi hann skil­orð. 

Hótaði að svipta sig lífi 

Maðurinn við­ur­kenndi meðal ann­ars að hafa haldið kon­unni nauð­ugri frá hádegi og fram að kvöld­mat­ar­leyti mánu­dag­inn 6. mars 2023.

Á meðan hann hélt kon­unni nauð­ugri tók hann af henni tölvu og far­síma, hót­aði að svipta sig lífi og varn­aði henni útgöngu með ógn­andi fram­komu og ofbeldi. Tók hann kon­una meðal ann­ars háls­taki aftan frá og þrýsti að hálsi hennar þannig að hún gat ekki andað. Hann vafði síðan mynda­véla­snúru um hönd sér og hót­aði að ganga lengra en nokkru sinni fyrr. Eftir að konan …