Halla Tóm­as­dóttir, for­seti Íslands, hefur falið Kristrúnu Frosta­dóttur, for­manni Sam­fylk­ing­ar­innar, umboð til stjórn­ar­mynd­unar. Þetta til­kynnti for­set­inn að loknum fundi þeirra tveggja að Bessa­stöðum í morgun. 

„Kristrún hefur tjáð mér að hún hafi nú þegar átt sam­töl við for­menn ann­arra flokka sem einnig hafa upp­lýst mig um að þeir séu reiðu­búnir til form­legra við­ræðna um myndun nýrrar rík­is­stjórnar með Sam­fylk­ing­unni,“ sagði for­set­inn við blaða­menn.

Ræðir við Viðreisn og Flokk fólksins eftir hádegi

Kristrún ræddi við blaða­menn á eftir for­set­anum og sagði að hennar mati og flestra ann­arra væru þrír flokkar sem hefðu náð hvað mestum árangri í kosn­ing­unum. „Það er Sam­fylk­ingin, Viðreisn og Flokkur fólks­ins. Ég ætla núna í kjöl­far þessa fundar að setja mig í sam­band við for­mann Við­reisnar og for­mann Flokks fólks­ins og boða þær á fund og í sam­tal núna, strax eftir hádegi til að ræða næstu skref. Ég held að það sé brýnt að við förum strax af stað í þessa vinnu.“

Kristrún bætti við að hún teldi lyk­il­at­riði hjá næstu rík­is­stjórn að halda efna­hags­mál­unum í festu. Tryggja þyrfti áfram­hald­andi lækkun vaxta og verð­bólgu. „Við þurfum að fara strax af stað og skapa festu.“

Trúir á þessa vegferð

Spurð hvort að hún trúi því að þessir þrír flokkar geti náð saman um þau mál­efni sem mesti skiptu segir Kristrún að hún sé bjart­sýn. „Það er veru­lega mik­ill mál­efna­legur grund­völlur og sam­leið fyrir mál­efn­unum í þessu sam­hengi. Auðvitað eru ólíkar áherslur, þess vegna erum við í sitt­hvorum flokk­unum. En ég held að við ættum að geta náð saman um mörg stór og mik­il­væg mál.“

Kristrún segir þó að það verði að ráð­ast á næstu dögum hvort það tak­ist. „En ég væri ekki að fara í þessa veg­ferð nema ég tryði því að það gæti náð árangri. Við þurfum að setj­ast saman og eiga þetta sam­tal, og gerum það af mik­illi ábyrgð og erum lausn­a­mið­aðar.“

Hún vildi ekki upp­lýsa um tímara­mma við­ræðn­anna. „Við tökum þetta einn dag í einu en við ætlum ekki að eyða alltof miklum tíma í að finna sam­stöð­una, hún verður að koma af sjálfu sér fyrstu dag­ana. Ég held að það sjái það allir lands­menn að það er ekki tími til þess að dvelja alltof lengi í þessu. Ann­að­hvort er mál­efna­legur grund­völlur eða ekki.“

Sjálf end­ur­tók hún að hún væri jákvæð og lausn­a­miðuð og bætti við að það teldi hún að for­menn hinna flokk­anna væru einnig. „Ég held það sé ríkur vilji til að láta þetta ganga upp.“

Að lokum nefndi Kristrún að virða verði nið­ur­stöður kosn­ing­anna, sem hún segir vera til marks um ákall um breyt­ingar frá þjóð­inni. „Þetta eru þeir þrír flokkar sem fá í raun­inni sterk­ustu kosn­ing­una, miðað við það sem áður var. Við eigum líka að bera virð­ingu fyrir því sem þjóðin vill.“

Fréttin hefur verið upp­færð.