Það kennir ýmissa grasa í Breiða­gerði í Skaga­firði en þar býr græn­met­is­bónd­inn Elínborg Erla Ásgeirs­dóttir. Elínborg keypti jörð­ina árið 2015 og hefur verið að vinna í því síðan þá að byggja upp  búskap­inn ásamt því að sinna vöru­þróun. Þrátt fyrir að alast upp í sveit hafði Elínborg engan áhuga á hefð­bundnum búskap, heldur skellti hún sér í garð­yrkju­skóla og stundar líf­ræna ræktun á jörð sinni.  Hún lætur ekki þar við sitja heldur sinnir hún einnig for­mennsku í hags­muna­sam­tök­unum Vor, en  það eru sam­tök líf­rænna rækt­enda og fram­leið­enda.  

„Ég vann á sínum tíma í tvö haust hjá Akurseil og kynnt­ist þar í fyrsta skipti úti­ræktun og það var  gott að sjá hvað þau voru búin að byggja mikið upp þar með afar lít­illi yfir­bygg­ingu. Það kveikti í  mér að skoða eitt­hvað annað og fleira en að fara bara í sama búskap og nágrann­inn er að gera. Ég er alin upp í …