Viðskipti

Samherjafjölskyldan stækkar hlut sinn í Högum

Fjár­fest­inga­fé­lag sem er í eigu Sam­herja­fjöl­skyld­unn­ar hef­ur auk­ið við hlut sinn í Hög­um, sem reka Bón­us, Hag­kaup, Olís og fleiri versl­an­ir.

Samherjafjölskyldan stækkar hlut sinn í Högum
Þorsteinn Már Baldvinsson Á nú rúmlega 2% hlut í Bónus, Hagkaup, Olís, Eldum rétt og fleirum. Mynd: Stundin / Davíð Þór
Birtist fyrir ári.

Félag í eigu Þorsteins Más Baldvinssonar og fleiri sem tengjast útgerðarfélaginu Samherja hefur stækkað við hlut sinn í verslunarrisanum Högum. 

Tilkynnt var um viðskiptin til Kauphallarinnar í dag, vegna þess að stjórnarformaður Haga, Eiríkur S. Jóhannsson, er jafnframt forstjóri fjárfestingafélagsins Kaldbaks, sem framkvæmir kaupin. Eftir viðskiptin er Kaldbakur með 8,13% hlut í Högum og er þar langstærsti einkafjárfestirinn, en 10 af 11 stærstu hluthöfunum eru lífeyrissjóðir. Í dag keypti Kaldbakur 4 milljónir hluta á 400 milljónir króna og á samtals 90 milljónir hluta.

Þorsteinn Már Baldvinsson á fjórðungshlut í Kaldbak í gegnum önnur félög, en fyrverandi eiginkona hans á rétt tæplega fjórðung. Aðrir stærstu eigendur eru börn Kristjáns Vilhelmssonar, sem eiga hátt í helming á móti þeim tveimur.

Meðal félaga sem Kaldbakur á að fullu er Kattarnef ehf, sem átti ríflega 18% hlut í Árvakri, útgáfufélagi Morgunblaðsins, áður en það færði hlutinn yfir til félags í eigu Eyþórs Arnalds, fyrrverandi oddvita Sjálfstæðisflokksins í Reykjavík, í fléttu sem fól í sér afskrift láns gegn kaupunum.

Umsvif Þorsteins Más Baldvinssonar í íslensku viðskiptalífi eru ekki takmörkuð við Kaldbak. Samtals ráða tvö eignarhaldsfélög í eigu Þorsteins Más og Helgu S. Guðmundsdóttur, fyrrverandi eiginkonu hans, 79 milljörðum króna í árslok 2023.

Hag­ar er eigandi Bón­uss, Hag­kaupa, Olís, Eld­um Rétt, Aðfanga, Banana, Stór­kaupa og Zöru.

Kjósa
10
Hvernig finnst þér þessi grein? Skráðu þig inn til að kjósa.
Efnisorð

Athugasemdir (2)

Skráðu þig inn til að skrifa athugasemd eða kjósa.
  • EÖ
    Edda Ögmundsdóttir skrifaði
    3. desember 2024 15:41
    Á nokkuð að hækka auðlindagjöldin? Ekki er Viðreisn með því.
    Á þetta Samherjafyrirtæki orðið hlut í öllum stærstu matvöruverslunum landsins,
    nema Krónunni?
    1
  • Kristín Guðnadóttir skrifaði
    3. desember 2024 10:38
    Það er kominn tími á byltingu. Samþjöppun auðs á þessa fjölskyldu og örfáar aðrar er ógnvænleg. Spurning hvort einhver flötur sé á að kæra þetta fólk fyrir fjölþjóðlegum dómstólum. Hér þekkja allir alla og óhægt um vik.
    5
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið

Mest lesið

Mest lesið í vikunni

„Ég var ofbeldisfullur“
3
ViðtalLandið sem enginn á

„Ég var of­beld­is­full­ur“

Þeg­ar Embla Kristjáns­dótt­ir hóf sam­búð með Niels Thomassen fékk hún að kynn­ast nýrri hlið á mann­in­um sem hún elsk­aði, þar sem stjórn­semi, af­brýði­semi og reiði réðu ríkj­um. Hann gekkst við of­beld­inu, axl­aði ábyrgð og hef­ur unn­ið þrot­laust í sjálf­um sér síð­asta ára­tug. Nú miðl­ar hann reynslu sinni og hvet­ur aðra karl­menn sem glíma við sama vanda að tjá til­finn­ing­ar sín­ar og standa ber­skjald­að­ir.

Mest lesið í mánuðinum

Viðskiptasaga nýs oddvita Miðflokksins
6
Nærmynd

Við­skipta­saga nýs odd­vita Mið­flokks­ins

Ari Edwald, fram­bjóð­andi Mið­flokks­ins í Reykja­vík, á að baki fer­il í við­skipta­líf­inu þar sem um­deilt sam­starf við Jón Ás­geir Jó­hann­es­son, stuðn­ing­ur við ESB-að­ild, um­mæli um að velta sekt­ar­greiðsl­um MS yf­ir á al­menn­ing og út­rás til Rúss­land hafa vak­ið um­tal. Hann hagn­að­ist á „óhagn­að­ar­drifna leigu­fé­lag­inu“ Heima­völl­um og stýrði fram­boði Dav­íðs Odds­son­ar til for­seta sam­hliða for­stjóra­starfi MS.

Mest lesið í mánuðinum

Nýtt efni

Mest lesið undanfarið ár