Þessi grein birtist fyrir rúmlega 12 mánuðum.

„Stórfurðulegt að lögreglan fari fram með þessum hætti“

Sig­ríð­ur Dögg Auð­uns­dótt­ir, formað­ur Blaða­manna­fé­lags Ís­lands, fagn­ar því að ára­langri rann­sókn Lög­regl­unn­ar á Norð­ur­landi eystra á sex fjöl­miðla­mönn­um hafi loks­ins ver­ið felld nið­ur. Hún furð­ar sig á yf­ir­lýs­ingu sem lög­regla birti á sam­fé­lags­miðl­um og seg­ir hana ekki til þess fallna að auka traust al­menn­ings á lög­reglu og vinnu­brögð­um henn­ar í mál­inu.

„Stórfurðulegt að lögreglan fari fram með þessum hætti“
Furðar sig á vinnubrögðum lögreglu Sigríður Dögg Auðunsdóttir, formaður BÍ, fagnar því að lögregla hafi loks ákveðið að fella niður rannsókn sína á blaðmönnunum sex. Hún harmar að rannsóknin hafi tekið svo langan tíma og segir eftiráskýringar lögreglu vera einsdæmi í sögunni. Mynd: Anton Brink/Blaðamannafélag Íslands

Sigríður Dögg Auðunsdóttir, formaður Blaðamannafélags Íslands, segir að það sé mikið gleðiefni að Lögreglan á Norðurlandi eystra hafi tekið þá ákvörðun að hætta við rannsókn í máli er varðar meinta byrlun, afritun á upplýsingum af síma einstaklings og dreifingu á kynferðislegu myndefni. 

Sex blaðamenn höfðu réttarstöðu sakbornings ásamt einni konu sem starfar ekki í fjölmiðlum. Rannsóknin hefur staðið yfir síðan í maí 2021 þegar málið var tilkynnt til lögreglu. 

„Kallaðir til yfirheyrslu og fengið stöðu sakbornings fyrir það eitt að vinna vinnuna sína“
Sigríður Dögg, formaður BÍ, um blaðamennina sem voru til rannsóknar

„Að okkar áliti kom aldrei neitt annað til greina en þessi niðurstaða í þessu máli. Það var fáránleg ákvörðun hjá lögreglunni að hefja rannsókn eins og við höfum margoft bent á og allir fyrrum sakborningar líka. Að hafa verið kallaðir til yfiheyrslu og fengið stöðu sakbornings fyrir það eitt að vinna vinnuna sína,“ segir Sigríður. 

„Þau gerðu ekkert annað heldur en að taka á móti gögnum, skoða þau og eftir atvikum vinna upp úr þeim fréttir. Fréttir sem enginn hefur gert athugasemdir við og Samherji hefur í framhaldinu beðist afsökunar á framferði sínu sem var til umfjöllunar í þessum fréttum.“

Íþyngjandi fyrir stéttina í heild 

Hún bætir við að málið hafi ekki einungis verið íþyngjandi fyrir blaðamennina sem voru undir rannsókn heldur hafi framganga lögreglu veið alvarlegt mál sem varði alla blaðamenn í landinu.

„Ég tel að lögreglan og íslenska ríkið þurfi að skoða hvað þarna gerðist“
Sigríður Dögg, formaður BÍ

„Það að blaðamönnum skuli vera haldið í þessari stöðu í allan þennan tíma án tilefnis finnst mér bara mjög alvarlegt. Ég tel að lögreglan og íslenska ríkið þurfi að skoða hvað þarna gerðist og hvernig stendur á því að þetta fór svona.“ 

Hún segir að fyrir henni virðist annaðhvort svo sem að lögregla beri ekki virðingu fyrir blaðamönnum eða hafi ákveðið að túlka lögin sem kveða á um réttindi blaðamanna með sínum eigin hætti. Þvert á það sem dómstólar hér og víðar hafa túlkað.  

Yfirlýsing lögreglu einsdæmi 

Þá víkur Sigríður sér að langri og ítarlegri yfirlýsingu sem Lögreglan á Norðurlandi eystra birti á Facebook-síðu sinni skömmu eftir að sakborningum hafði verið tilkynnt um að rannsóknin hefði verið felld niður. 

„Við erum búin að láta lögmann okkar skoða þetta og hann bara staðfestir það sem við álitum og teljum af okkar reynslu að þetta sé í rauninni bara einsdæmi. Að lögreglan með þessum hætti sé að lýsa afstöðu sinni í málinu. Þar segja þeir að sakborningar gætu hafa sýnt af sér atferli sem flokkast getur undir brot á framangreindum ákvæðum.“

Þá veltir Sigríður fyrir sér hvað lögreglu gangi til með að birta yfirlýsinguna og hún kannist ekki við að lögregla hafi tjáð sig með viðlíka hætti um afstöðu sína til fyrrverandi sakborninga eftir að málið hefur verið fellt niður.

„Það er bara stórfurðulegt að lögreglan fari fram með þessum hætti.  En mér finnst þetta bara í takt við vinnubrögð lögreglu í þessu öllu og alls ekki til þess að auka traust almennings á lögreglu og rannsókn hennar á þessu máli.“

Mikilvægt að koma í veg fyrir að svona gerist aftur

Sigríður bætir við að Blaðamannafélagið muni funda með blaðamönnunum sem voru undir rannsókn og ákveða næstu skref í málinu. Hún segir að félagið muni standa með blaðamönnunum og ákvörðunum þeirra í málinu. 

„Mér finnst mikilvægt að við skoðum það vel hvort ekki sé rétt að leita leiða til þess að koma í veg fyrir að svona gerist aftur. Af því svona á ekki að gerast í réttarríki á borð við Ísland.“

Kjósa
33
Hvernig finnst þér þessi grein? Skráðu þig inn til að kjósa.

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið

Safnar fyrir útborgun í bílskúr foreldra sinna
2
Viðtal

Safn­ar fyr­ir út­borg­un í bíl­skúr for­eldra sinna

Hjálm­ar Snorri Jóns­son inn­rétt­aði í sum­ar bíl­skúr for­eldra sinna en hann býr í hon­um ásamt kær­ustu sinni. Hann seg­ir auð­veld­ara að geta safn­að fyr­ir íbúð þannig held­ur en að fara fyrst inn á leigu­mark­að­inn. „Það er svo­lít­ið hugs­un­in að í stað þess að vera á leigu­mark­aði get ég bara ver­ið hér og safn­að pen­ing­um,“ seg­ir Hjálm­ar.

Mest lesið

Mest lesið í vikunni

Safnar fyrir útborgun í bílskúr foreldra sinna
4
Viðtal

Safn­ar fyr­ir út­borg­un í bíl­skúr for­eldra sinna

Hjálm­ar Snorri Jóns­son inn­rétt­aði í sum­ar bíl­skúr for­eldra sinna en hann býr í hon­um ásamt kær­ustu sinni. Hann seg­ir auð­veld­ara að geta safn­að fyr­ir íbúð þannig held­ur en að fara fyrst inn á leigu­mark­að­inn. „Það er svo­lít­ið hugs­un­in að í stað þess að vera á leigu­mark­aði get ég bara ver­ið hér og safn­að pen­ing­um,“ seg­ir Hjálm­ar.
Brotthvarf að meðaltali hærra úr íslenskum háskólum en í OECD-ríkjum
6
Fréttir

Brott­hvarf að með­al­tali hærra úr ís­lensk­um há­skól­um en í OECD-ríkj­um

Nið­ur­stöð­ur nýrr­ar skýrslu OECD um há­skóla­mál sýna að brott­hvarf er hærra á Ís­landi en að með­al­tali í OECD-ríkj­um. Þá seg­ir að tryggja þurfi að ís­lensk­ir há­skól­ar standi jafn­fæt­is öðr­um OECD há­skól­um. „Þess­ar nið­ur­stöð­ur stað­festa að há­skóla­mál­in þurfa að njóta sér­stakr­ar at­hygli,“ seg­ir Logi Ein­ars­son menn­ing­ar-, ný­sköp­un­ar- og há­skóla­ráð­herra.

Mest lesið í mánuðinum

„Ég er mjög stolt af því að hafa tekið þennan slag“
3
Fréttir

„Ég er mjög stolt af því að hafa tek­ið þenn­an slag“

Mann­rétt­inda­dóm­stóll Evr­ópu komst í dag að þeirri nið­ur­stöðu að ís­lenska rík­ið hefði ekki brot­ið á Bryn­dísi Ásmunds­dótt­ur. Hún seg­ir skrít­ið að tala um tap þeg­ar Mann­rétt­inda­dóm­stóll Evr­ópu veitti henni áheyrn. Nú geti hún loks náð and­an­um. Mark­mið­um um að vekja máls á brota­löm­um í ís­lensku rétt­ar­kerfi hafi náðst, ekki síst þeg­ar sig­ur vannst í öðru mál­inu.

Mest lesið í mánuðinum

Nýtt efni

Mest lesið undanfarið ár