Halldór er sá sem einna best þekkir til mála Salmans Rushdie hér á landi en auk þess að hafa hlotið dauða­dóm er hann vinur norska útgef­and­ans William Nygaard, sem var skot­inn þrisvar í bakið í kjöl­far útgáfu Söngva Satans. Í gegnum Halldór lán­að­ist að fá William í við­tal í þess­ari sömu úttekt – sem fyrr­nefndur gerði með blaða­manni svo næð­ist í skottið á síð­ar­nefndum.

Halldór segir að dauða­dóm­ur­inn hafi verið eitt­hvað sem hann sjálfur las um í fjöl­miðlum og þegar hann sá loks­ins úrskurð­inn var það „ósköp ómerki­legt fjöl­rit“ sem barst honum, að hann minnir í pósti. „En ég dreg í efa að mér hafi verið sent það frá Íran.“

Hann kveðst þó ekki hafa orðið smeykur, veru­leiki þessi virt­ist þá vera svo fjarri. „Ísland var á þeim tíma allt annað sam­fé­lag en við þekkjum núna,“ minnir hann á. „Svo miklu eins­leit­ara. En …