Með því að vernda 0,7 pró­sent af land­svæði jarðar yrði hægt að bjarga þriðj­ungi fágæt­ustu dýra­teg­unda ver­aldar. Að þessu hafa vís­inda­menn kom­ist með því að kort­leggja við­kvæm­ustu svæði heims. Við þá kort­lagn­ingu voru skil­greind 25 svæði sem þyrfti að vernda til að ná þessum mark­miðum. Á þeim er að finna mik­inn fjöl­breyti­leika og fágætar teg­undir dýra sem eru í mik­illi hættu á útrým­ingu. 

Svæðin þekja sam­tals um 0,7 pró­sent af föstu landi jarð­ar­innar og dreifast yfir 33 lönd og fimm heims­álfur. Aðeins um 20 pró­sent af þessum ein­stöku vist­kerfum njóta laga­legrar verndar í dag.

„Rannsókn okkar dregur fram þau svæði í heim­inum sem eru í bráðri hættu,“ segir Sebast­ian Pipins, aðal­höf­undur rann­sókn­ar­innar, sem starfar við Iperial College í London. „Einnig sýnir rann­sóknin að með því að vernda aðeins brot af yfir­borði lands á jörð­inni er hægt að ná gríð­ar­legum árangri í nátt­úru­vernd.“