Bryndís Klara Birg­is­dóttir, er lést í kjöl­far stungu­árásar í mið­borg Reykja­víkur á menn­ing­arnótt, verður jarð­sungin í dag. Starfs­fólk Björg­un­ar­mið­stöðv­ar­innar í Skóg­ar­hlíð hefur af því til­efni boðað til minn­ing­ar­stöðu fyrir framan and­dyri mið­stöðv­ar­innar í dag, föstu­dag­inn 13. sept­em­ber, kl. 15.

 Lands­menn eru hvattir til að kveikja á frið­ar­kerti í dag til að minn­ast Bryn­dísar. Allar helstu mat­vöru­versl­anir lands­ins hafa hafið sölu á sér­stöku frið­ar­kerti og mun ágóði af sölu þess renna í Minn­inga­sjóð Bryn­dísar Klöru. Til­gangur sjóðs­ins er að styðja við verk­efni sem miða að því að vernda börn gegn ofbeldi og efla sam­fé­lag þar sem sam­kennd og sam­vinna er í for­grunni.

„Starfs­menn Skóg­ar­hlíðar sem margir hverjir hafa reynslu af því að bregð­ast við ofbeld­is­verkum eins og því sem varð Bryndísi Klöru að bana vilja taka þátt í því að minn­ast hennar og styðja við mark­mið sjóðs­ins,“ segir í færslu á Facebook-síðu Neyð­ar­lín­unnar þar sem boðað er til minn­ing­ar­stöð­unnar kl. 15 í dag. „Starfs­menn Neyð­ar­línu hvetja öll til að taka þátt, hvar sem þau kunna að vera stödd. Öll eru vel­komin til að koma með eigið kerti og taka þátt í minn­ing­ar­stöð­unni við Skóg­ar­hlíð. Hugur okkar er hjá öllum þeim sem þessi atburður hefur haft áhrif á.“

Bryndís Klara fædd­ist í Reykja­vík 2. febr­úar 2007. Hún lést á gjör­gæslu­deild Land­spít­al­ans við Hring­braut 30. ágúst 2024.