Eldgos sem hófst norðan við Stóra-Skógfell 22. ágúst er lokið. Gosið stóð yfir í um 14 daga. Veð­ur­stofan greinir frá gos­lokum í til­kynn­ingu. 

Gosið var það þriðja lengsta af eld­gos­unum sex sem hafa orðið á Sund­hnúks­gíga­röð­inni frá því í des­em­ber 2023. Gosið sem hófst um miðjan mars stóð í um 54 daga og eld­gosið sem hófst í maí stóð yfir í um 24 daga. 

Túrista­gos?Töluverð umferð var að eld­gos­inu þegar það hófst 22. ágúst . Þótt ekki væri hægt að kom­ast alla leið að gígnum leit­aði fólk leiða til að kom­ast inn í myrkrið og dást að stórum og fal­legum strókum.

Mynd: Golli

Lík­an­reikn­ingar sýna að aldrei hefur jafn mikið magn kviku komið upp á yfir­borðið frá því að jarð­hrær­ing­arnar hófust haustið 2023. Ekki hefur tek­ist að mæla umfang hraun­breið­unnar vegna veð­urs og því liggja end­an­legar tölur um rúm­mál kviku ekki fyrir.

Virkni á svæð­inu virð­ist hins vegar hvergi nærri lokið. Landris mælist nú í Svarts­engi og er kvika því farin að streyma inn í kviku­hólfið að nýju. Samkvæmt upp­lýs­ingum frá Veð­ur­stof­unni er of snemmt að full­yrða um hraða kviku­söfn­un­ar­innar, en fyrstu lík­an­reikn­ingar bensta til þess að hann sé svip­aður og áður.

Nýtt hættu­mat verður upp­fært síðar í dag. 

Mynd: Golli