Stúlkan sem var stung­in með hnífi í mið­bæ Reykja­vík­ur á menn­ing­arnótt er látin. Hún hét Bryndís Klara Birgisdóttir og var 17 ára. Þetta kemur fram í tilkynningu frá lögreglu.

„Fjöl­skylda Bryn­dís­ar Klöru vill koma á fram­færi þakk­læti til allra sem reyndu eft­ir fremsta megni að bjarga lífi Bryn­dís­ar Klöru, sér­stak­lega starfs­fólki Land­spít­al­ans og þeim sem komu að fyrstu hjálp á vett­vangi. Hjálp þeirra er ómet­an­leg,“ seg­ir í til­kynn­ing­unni. 

Í samtali við Heimildina fyrir helgi sagði Grímur Grímsson, yfirlögregluþjónn miðlægrar rannsóknardeildar lögreglu, að rannsókn málsins miðaði vel, hún sé umfangsmikil og hafi verið í algjörum forgangi hjá lögreglu frá því að hún kom upp.

Tvö önnur ungmenni á svipuðum aldri voru einnig stungin í árásinni en 16 ára drengur var handtekinn á menningarnótt, grunaður um árásina, og hefur hann verið í gæsluvarðhaldi síðan.