Þeir sem hafa gert sér ferð í fugla­skoð­un­ar­húsið við Bakka­tjörn á Sel­tjarn­n­esi hafa mögu­lega orðið varir við álft­ar­unga sem syndir um tjörn­ina einn síns líðs. Álftap­arið sem ól af sér ungan hefur ekki sést síðan seint í júlí.

Málið þykir hið ein­kenni­leg­asta en álftir eru þekktar fyrir að vernda afkvæmi sín og óðöl með kjafti og klóm, eða öllu heldur stórum og högg­þungum vængjum sem þær beitir óspart á þá sem koma nærri afkvæmum þeirra. 

Þó nokkrir hafa tekið eftir þessu og vakið athygli á dula­fullu hvarfi álft­anna á sam­fé­lags­miðlum. Þar er vöngum velt yfir afdrifum álftap­ars­ins og lífslíkum ung­ans sem hefur verið skil­inn eftir. Heim­ildin náði tali af Jóhann Óla Hilm­ars­syni, ljós­mynd­ara og fugla­fræð­ingi sem hefur fylgst með fugla­líf­inu við Bakka­tjörn um langt skeið. 

Hann segir að umrætt álftapar hafi orpið í Bakk­tjörn í fyrra en fram að því höfðu álftir ekki verpt við tjörn­ina síðan árið 2017. Ungarnir …