Nektardansstaðir stóðu með miklum blóma í Reykjavík á árunum upp úr síðustu aldamótum. Ekki voru þó allir jafn hrifnir og árið 2007 var umræða orðin hávær um hertar reglur eða jafnvel bann við rekstri slíkra staða. Olía á það bál var umfjöllun sem birtist um mitt það ár í tímaritinu Ísafold um vændi á slíkum stöðum og jafnvel mansal. Í kjölfarið birtust í Vikunni viðtöl við annars vegar dansmeyjar sem kváðust ánægðar í starfi sínu á dansstaðnum Goldfinger og vísuðu gagnrýni á bug sem öfund annarra kvenna, og hins vegar viðtöl við tvo ónafngreinda dansara sem lýstu neikvæðum hliðum starfsins; vændi og fíkniefnaneyslu. Eftir birtingu viðtalanna hafði ung íslensk kona samband við ritstjórn Vikunnar og bauðst til að segja sögu sína. Björk Eiðsdóttir var þá að stíga sín fyrstu skref í blaðamennsku, nýútskrifuð úr fjölmiðlafræði frá bandarískum háskóla. Í viðtali sem Björk tók og birt var í Vikunni um haustið, …