Sú tíð virð­ist löngu liðin þegar hægt var að reka sóma­sam­legt heim­ili fyrir stök mán­að­ar­leg lág- eða með­al­laun. Í núver­andi umhverfi virð­ist sá tíma vera óra­fjarri og sögur af ein­stak­lingum á lágum launum, með lítið bak­land, að festa kaup á íbúð heyr­ast sjaldan. 

Auður Alfa Ólafs­dóttir, for­stöðu­maður Verð­lags­eft­ir­lits ASÍ, segir í sam­tali við Heim­ild­ina að ein­stæðir for­eldrar hafi lengi glímt við fjár­hags­lega erf­ið­leika. Það séu samt ekki nema 15 til 20 ár síðan fólk með frekar lágar tekjur gat keypt sér hús­næði. „Við erum ekki að sjá þetta í dag, eða miklu síður,“ segir Auður og bætir við: „Ég held það sé algjör­lega borin von. Jafnvel þótt ein­stætt for­eldri sé með háar tekjur er það bara ekki séns. Nema fólk fái aðstoð frá for­eldrum. Það eykur ójöfnuð, við verðum alltaf háð­ari því að eiga eitt­hvert bak­land sem hefur fjár­magn.“