Þessi grein birtist fyrir rúmlega 12 mánuðum.

Brá þegar bandaríski kaffibarþjónninn gat borið fram nafnið

Það kom Lauf­eyju Pét­urs­dótt­ur á óvart á dög­un­um þeg­ar hún pant­aði sér kaffi í Bost­on og kaffi­bar­þjónn­inn náði strax hvað hún héti. Út­skýr­ing­una má senni­lega rekja til vel­gengni og frægð­ar Lauf­eyj­ar Lín Jóns­dótt­ur.

Brá þegar bandaríski kaffibarþjónninn gat borið fram nafnið
Frægð og frami Frægð Laufeyjar Lín Jónsdóttur er farið að gæta víða, meðal annars á kaffihúsum vestanhafs þar sem kaffibarþjónar bera nafn hennar óaðfinnanlega fram, nöfnum hennar til einskærrar gleði. Mynd: AFP

Nöfn eru misalgeng og þau eru ekki alltaf jafn auðfæranleg á milli menningarheima. Þetta þekkja margir sem heita séríslenskum nöfnum eins og til dæmis Þórólfur eða Hallgerður. Þegar haldið er til útlanda á slíkt fólk það gjarnan til að mæta gjörsamlegu skilningsleysi þegar það reynir að kynna sig. Það er beðið um endurtekningar, útskýringar á framburði eða jafnvel að nafnið sé stafað ofan í þann sem álpaðist til að spyrja fólkið til nafns. 

Þetta þekkir Laufey Pétursdóttir á eigin skinni. Hún er vön því að fólk kalli hana Láfí á ferðalögum og segist oft heita Laura þegar hún heimsækir Bandaríkin til að koma í veg fyrir það að þurfa að stafa nafn sitt ofan í hvumsa kaffibarþjóna. 

Laufey Pétursdóttir er vön því að fólk kalli hana Láfí á ferðalögum. Það hefur nú breyst með hækkandi frægðarsól Laufeyjar Lín.

Þegar Laufey, sem var nýverið stödd á ferðalagi í Boston í Bandaríkjunum, ætlaði að panta sér kaffi á kaffihúsi við Harvard-háskóla var röðin nokkuð stutt svo hún ákvað að nota sitt eigið nafn þegar hún pantaði drykkinn. 

Henni til mikillar undrunar brást kaffibarþjónninn ekkert sérstaklega við og stuttu síðar var nafn hennar kallað upp með lýtalausum framburði. „Mér fannst það bara mjög gaman en var hissa,“ segir hún.

Þetta heldur Laufey að megi rekja til Laufeyjar Lín Jónsdóttur tónlistarkonu. En hún hefur öðlast gríðarlega frægð á stuttum tíma. Fyrsta breiðskífa hennar Bewitched hlaut Grammy-verðlaunin í flokki hefðbundinna söng-poppplatna fyrr á þessu ári. 

Laufey gleðst yfir velgengni nöfnu sinnar. Sjálf er hún strengjaleikari og kennir á víólu og fiðlu við Tónlistarskóla Hafnarfjarðar. Laufey og tvíburasystir hennar, Júnía, eru fyrirmyndir nokkurra nemenda Laufeyjar. 

Laufey segir að fólk átti sig betur á nafninu núna þegar svo hittir á að fólk þekki nöfnu hennar Lín. Það sé nokkuð fjölmennur hópur, einkum á ákveðnum aldri.  „[Það] er gaman að fólk þekki nafnið, þegar ég var lítil vissi ég bara um eina aðra Laufeyju.“

Laufey Lín hefur að  því er virðist hafa þurft nokkuð að hafa fyrir því að kenna fólki að bera nafn hennar rétt fram, líkt og sjá má á meðfylgjandi myndskeiði frá 2022: 

Þótt kennsla á framburðinum virðist hafa skilað sér nokkuð vel á stafsetningin þó eitthvað í land. En ekki skrifaði þjóninn nafn Laufeyjar eftir hefðbundnum stafsetningarreglum heldur „Loibe.“

LaufeySvona skal fallbeygja kvenmannsnafnið Laufey.

Laufey Pétursdóttir segist þó hafa öllu meiri áhyggjur af beygingu nafns síns – eða öllu heldur skorts á henni – en stafsetningunni. Henni þykir leiðinlegt að það sé orðið algengt að Íslendingar beygi ekki nafnið. „Mér finnst þetta svipa til þess þegar Björk varð fræg, þá var alltaf bara notað nefnifallið. Ekki til Bjarkar.“

Að sama skapi segi fólk nú: „Ég er að hlusta á Laufey.“ Í stað þess sem rétt er: „Ég er að hlusta á Laufeyju.“

Kjósa
16
Hvernig finnst þér þessi grein? Skráðu þig inn til að kjósa.

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið

Siðferðisspurningar vakna vegna uppbyggingar Andra og Birgis
3
Fréttir

Sið­ferð­is­spurn­ing­ar vakna vegna upp­bygg­ing­ar Andra og Birg­is

Fjár­fest­ar sem eru sak­að­ir um að hafa milli­göngu um iðn­að­ar­njósn­ir fyr­ir millj­arða­mær­ing­inn Björgólf Thor Björgólfs­son vilja reisa þétt­býlt hverfi í um tveggja kíló­metra fjar­lægð frá vatns­vernd­ar­svæði höf­uð­borg­ar­svæð­is­ins. Svo virð­ist sem eng­in krafa sé uppi um sið­ferði fjár­festa þeg­ar kem­ur að Kópa­vogs­bæ.

Mest lesið

Mest lesið í vikunni

Fólki sparkað úr landi fyrir að verja stjórnarskrána
5
Fréttir

Fólki spark­að úr landi fyr­ir að verja stjórn­ar­skrána

Banda­ríkja­stjórn bann­aði Har­vard-há­skóla að taka við er­lend­um nem­end­um síð­ast­lið­inn fimmtu­dag með nýrri til­skip­un en Har­vard hef­ur kært ákvörð­un­ina og seg­ir hana skýrt brot gegn fyrsta við­auka stjórn­ar­skrár­inn­ar um tján­ing­ar­frelsi. Bráða­birgða­lög­bann hef­ur ver­ið sett á til­skip­un­ina. „Hægt og ró­lega er­um við að sjá fall Banda­ríkj­anna," seg­ir Gunn­hild­ur Fríða Hall­gríms­dótt­ir, sem er að út­skrif­ast úr há­skól­an­um.
Siðferðisspurningar vakna vegna uppbyggingar Andra og Birgis
6
Fréttir

Sið­ferð­is­spurn­ing­ar vakna vegna upp­bygg­ing­ar Andra og Birg­is

Fjár­fest­ar sem eru sak­að­ir um að hafa milli­göngu um iðn­að­ar­njósn­ir fyr­ir millj­arða­mær­ing­inn Björgólf Thor Björgólfs­son vilja reisa þétt­býlt hverfi í um tveggja kíló­metra fjar­lægð frá vatns­vernd­ar­svæði höf­uð­borg­ar­svæð­is­ins. Svo virð­ist sem eng­in krafa sé uppi um sið­ferði fjár­festa þeg­ar kem­ur að Kópa­vogs­bæ.

Mest lesið í mánuðinum

Margeir fær milljónir í bætur – Hafði áreitt samstarfskonu hjá lögreglunni
6
Fréttir

Mar­geir fær millj­ón­ir í bæt­ur – Hafði áreitt sam­starfs­konu hjá lög­regl­unni

Ís­lenska rík­ið þarf að greiða Mar­geiri Sveins­syni að­stoð­ar­yf­ir­lög­reglu­þjóni miska­bæt­ur fyr­ir að hafa færð­ur til í starfi eft­ir að sam­starfs­kona hans sak­aði hann um of­beldi og áreitni. Lög­reglu­stjóri til­kynnti hér­aðssak­sókn­ara um hugs­an­lega refsi­verða hátt­semi Mar­geirs en mál­inu var vís­að frá.

Mest lesið í mánuðinum

Nýtt efni

Mest lesið undanfarið ár

Loka auglýsingu